Украина президенті Владимир Зеленский. Фото: https://begemot.media

Украинада 2020 жылдан бастап балалар үйлері балаларды қабылдамайды. Бұл жайлы Украина денсаулық сақтау министрінің міндетін атқарушы Ульяна Супрун Facebook-тегі парақшасында жазды.

Украинформ сайты да хабарлағандай, Супрун сөзінде: «Шындығында Украинадағы осындай мекемелерде тұратын балалардың тек 8%-ы жетім балалар мәртебесіне ие. Олардың ата-аналары үшін балаларын өсіріп-жетілдіру қиындық туғызады. Олар көмекке мұқтаж», – дейді. Оның айтуынша, жақсы жағдай жасалған ешбір үлгілі интернат мекемесі отбасын алмастыра алмайды, сол себепті үкімет ата-анасынсыз тұратын балаларды қолдау жүйесіне өзгерістер енгізуді қолға алды.

Сонымен қатар, Украина билігі осы жылдан бастап балалар өз отбасыларында өмір сүру үшін отбасыларына көмектесуді қолға алмақ. Супрун осы мәселеге қатысты: «Өткен жылы Украина Министрлер Кабинетінің «Оңалту орталықтары және балаларға паллиативтік көмек туралы ережені бекіту туралы» қаулысының жобасын дайындадық. Соның негізінде балалар үйлерін медициналық оңалту және паллиативтік көмек орталықтарына айналдыру қарастырылған», – деді.

"The Qazaq Times"