فوتو: REUTERS/Jorge Duenes

اقش-تىڭ شەكارا قىزمەتى مەكسيكامەن شاكارالاس جەردە مىڭنان استام زاڭسىز ميگرانتتى ۇستادى، دەپ حابارلايدى Reuters اگەنتتىگى.

ميگرانتتار تەحاس شتاتىنداعى ەل-پاسو شەكاراسىن كەسىپ وتكەن. ال جىل باسىنان بەرى قۇراما شتاتتارىنا لاتىن امەريكا ەلدەرىنەن 300 مىڭعا جۋىق ادام شەكارادان وتپەك بولعان. ولاردىڭ ۇشتەن ءبىر بولىگى كامەلەت جاسقا تولماعاندار. وسى جاعدايدان كەيىن اق ءۇي باسشىسى دونالد ترامپ جۋىردا مەكسيكادان اعىلعان ميگرانتتارعا قاتىستى مالىمدەمە جاسايتىنىن حابارلادى.

وسىعان دەيىن اقش-تىڭ يمميگراتسيالىق جانە كەدەندىك باقىلاۋ قىزمەتىنىڭ باسشىسى كەۆين ماكەلينەن: «بوسقىنداردى ەلىنە قايتارامىز. امەريكا كوشباسشىسىنىڭ مالىمدەمەسىنە ساي، قۇقىق بۇزۋعا جانە زاڭسىز ارەكەتتەرگە جول بەرمەيمىز»، – دەگەن بولاتىن. زاڭسىز جولمەن شەكارا اسپاق بولعان بوسقىنداردى ەلىنە قايتارۋ ءۇشىن شەكاراعا قارۋلى اسكەريلەر ورنالاستىرىلعان. بىراق، بيلىكتەگى ادىلەتسىزدىك پەن قارجىلىق داعدارىستان قۇتىلماق بولىپ تۋعان جەرىنەن قاشقان ميگرانتتار سانى ازايعان جوق.

"The Qazaq Times"