فوتو: ۋرالسكايا نەدەليا

سايلاۋ تۋرالى پىكىرتالاستا ەشقانداي ءمان جوق.

ادام قۇقىقتارى جانە زاڭدىلىقتى ساقتاۋ حالىقارالىق بيۋروسىنىڭ ديرەكتورى ەۆگەني جوۆتيس ءوزىنىڭ «Facebook» پاراقشاسىندا الدا كەلە جاتقان كەزەكتەن تىس پرەزيدەنت سايلاۋىنا بايلانىستى پىكىرىن ءبىلدىردى.

- مەنىڭ ەلىمىزدەگى سايلاۋعا بايلانىستى پىكىرىم، 90-شى جىلداردىڭ باسىنان كەيىن بىزدە حالىقارالىق تالاپتارعا ساي كەلەتىن ەشقانداي سايلاۋ بولعان جوق.

بىرىنشىدەن، بىزدە ساياسي پليۋراليزم، وي ەركىندىگى جانە ساياسي وپپوزيتسيالىق پارتيالار جوق.

ەكىنشىدەن، ساياسي وپپوزيتسيانىڭ باق بەتتەرىنە شىعاتىن مۇمكىندىگى جوق. بۇعان قوسا تاۋەلسىز باق-تا جوقتىڭ قاسى. اسىرەسە، راديو مەن تەلەارنالار جوق دەپ ايتۋعا بولادى.

ۇشىنشىدەن، ساياسي وپپوزيتسيانىڭ سايلاۋشىلارمەن ءتيىمدى جۇمىس ىستەۋىنە جول جوق. ءبىزدىڭ تەرريتوريامىزدىڭ ۇلكەندىگىنە جانە حالىق سانىنىڭ ازدىعىنا بايلانىستى شالعاي ايماقتارعا بالاما ساياسي كۇشتەردىڭ اقپاراتتارىن جەتكىزۋ وتە قيىن.

تورتىنشىدەن، سوڭعى 15 جىلدا بىزدە جالپى حالىقتىق بولسىن، ايماقتىق بولسىن ساياسي دەبات بولعان جوق.

بەسىنشىدەن، بىزدە وپپوزيتسيالىق ساياساتكەرلەردىڭ وسۋىنە مۇمكىندىك جوق. سەبەبى بيلىك اعىلشىن شالعىسىنداي ارەكەت ەتۋ ارقىلى وزىنەن كەيىن تاپ-تازا ساياسي الاڭ قالدىرۋدا. كىم رۇقساتسىز شىقسا، سول ساتتە شابىلادى. بۇل كلاسسيكالىق اۆتوريتارلىق جۇيە. مۇندا ارنايى قىزمەت پەن پوليتسيا، سوت پەن پروكۋراتۋرانىڭ قولداۋىمەن بالاماسىز ساياسي جۇيە قالىپتاستىردى.

ءدال وسىنداي جاعدايدا ەكى اپتالىق ۇگىت-ناسيحات جۇمىستارى نەمەسە سايلاۋ كۇنى قانداي دا ءبىر پىكىرتالاس جۇرگىزۋدىڭ ەشقانداي ءمانى جوق دەپ ەسەپتەيمىن. «سايلاۋ» دەپ اتالاتىن پروتسەدۋرانىڭ اقپاراتتاندىرۋعا ەشقانداي قاتىسى جوق. سول سەبەپتى مەن «سۋ تولى ستاكانداعى داۋىلعا» سىرتتاي قاراپ، ءوزىمدى ودان دا ماڭىزدى ىستەرمەن اينالىسىپ ءجۇرمىن دەپ ويلايمىن. ازىرگە بىزدە بۇل جاعدايدىڭ ءوڭى شۇعىل وزگەرەدى دەگەنگە ەشقانداي العىشارتتار جوق.

"The Qazaq Times"