بريتانيا پارلامەنتىندەگى داۋ-داماي: تەرەزا مەي نەگە جىلادى ؟

بريتانيانىڭ باس ءۋازىرى (پرەمەر-ءمينيسترى) تەرەزا مەي حانىم كەشە، جۇما كۇنى مالىمدەمە جاساپ، 7 ماۋسىم كۇنى ءوز مىندەتىنەن كەتەتىن ايتتى. بۇعان دەيىن بريتانيا پارلامەنتى مەي ۇسىنعان "برەكسيت" (ەۋروپالىق وداقتان شىعۋ) جوباسىن ماقۇلداماي تاستاعان ەدى. مەي حانىم پارلامەنتتە ۇرىس-كەرىسكە جاقىن داۋ-داماي، سىن مەن ايىپتاۋلاردان كەيىن اتالعان مالىمدەمەسىن جاساعان. 

10 مامىردا تەرەزا مەي ەموتسياعا تولى مالىمدەمەسىندە: "مەن بريتانيا حالقىنىڭ رەفەرەندۋم شەشىمىنە قۇرمەتتەپ، برەكسيت ءۇشىن بار كۇشىمدى سالدىم", – دەگەن بولاتىن. ءارى، بريتانيانىڭ ەو-دان شىعۋىن جۇزەگە اسىرا الماعانىنا وكىنىشىن ءبىلدىردى.  بريتانيا باس ءۋازىرىنىڭ ءوز ۇكىمەت مۇشەلەرى، ايتالىق ءسىم باسشىسى مەن وزگە دە كونسەرۆاتيۆتى وكىلدەر ونىڭ كوتەرگەن ساياسي باستاماسىنا قارسى بولدى. بۇل پارلامەنتتە تەرەزا مەيگە قارسى كوزقاراستىڭ كۇشەيۋىنە الىپ كەلدى. ناتيجەسىندە تەرەزا مەي وتستاۆكاعا كەتۋگە ءماجبۇر بولدى.

اقش پرەزيدەنتى دونالد ترامپ 3-5 ماۋسىم كۇندەرى بريتانيادا مەملەكەتتىك ساپاردا بولادى. تەرەزا مەي بريتانيانىڭ پرەمەر-ءمينيسترى رەتىندەگى سوڭعى اقش پرەزيدەنتىن قابىلدايدى دا، ترامپ ەلىنە اتتانا سالىسىمەن قىزمەتىنەن كەتەدى. اعىلشىن پارلامەنتىنىڭ شەشىمى سولاي بولعان.

ال، سودان 4 كۇن وتكەننەن كەيىن بريتانيانىڭ قازىرگى كونسەرۆاتيۆتىك پارتيا اراسىندا جاڭا باسشىنى تاعايىنداۋ ءۇشىن سايلاۋ وتەدى. جاڭا كوشباسشى قىزمەتىنە كىرىسكەنگە دەيىن تەرەزا مەي مينيسترلەر كابينەتىن باسقارىپ تۇرادى.

“The Qazaq Times”