قازاقستان مەن جاڭا زەلانديا ورتاق ءسۇت كەشەندەرىن قۇرۋ تۋرالى كەلىسىمگە كەلدى. بۇل تۋرالى اۋىل شارۋاشىلىعى مينيسترلىگىنىڭ ءباسپاسوز قىزمەتى مالىمدەدى.

قر اۋىل شارۋاشىلىعى ءبىرىنشى ۆيتسە-ءمينيسترى ايداربەك ساپاروۆ پەن جاڭا زەلانديانىڭ قازاقستانداعى توتەنشە جانە وكىلەتتى ەلشىسى يەن حيلمەن وتكەن كەزدەسۋ بارىسىندا تاراپتار ەكى ەل قارىم-قاتىناسىن تالقىلادى. سونىمەن قاتار، قازاقستاننىڭ اۋىل شارۋاشىلىق سالاسىنداعى ساياساتى توڭىرەگىندە پىكىر ايتىلدى. مالىمەتتەر بويىنشا، ەكى ەل ءسۇت جانە قوي شارۋاشىلىعى سالاسىنداعى ىنتىماقتاستىق كەلىسىمگە قول قويعان.

ا.ساپاروۆ قازاقستاننىڭ اگرارلىق كومپانيالارىنىڭ جانە جاڭا زەلانديانىڭ اۋىل شارۋاشىلىعى تەحنيكاسى مەن تەحنولوگيالارىن جەتكىزەتىن كومپانيالار اراسىنداعى كوممەرتسيالىق ىنتىماقتاستىققا توقتالىپ، تاراپتار قازاقستان اۋماعىندا قازاقستاندىق ونىمدەردى ەكسپورتقا شىعارۋدى جالعاستىرۋ تۋرالى كەلىسىمگە كەلدى.

ايتا كەتەيىك، ينوۆاتسيالىق اۋىل شارۋاشىلىعى تەحنيكاسى مەن تەحنولوگياسىن شىعاراتىن مەملەكەتتەردىڭ ءبىرى جاڭا زەلانديا. الداعى ۋاقىتتا قازاقستاندا مال شارۋاشىلىعىن دامىتۋ ماقساتىندا جاڭا زەلانديا تەحنولوگيالارى قولدانىلماق.

 

"The Qazaq Times"