فوتو: Oxu.az

تۇركيادا «يسلام مەملەكەتى» تەررورلىق ۇيىمىنىڭ اقپارات ءمينيسترى تۇتقىندالدى – دەپ حابارلايدى Anadolu اقپارات اگەنتتىگى.

اگەنتتىك مالىمەتىنشە، تۇركيا پوليتسياسى انكارا قالاسىندا «يسلام مەملەكەتى» لاڭكەستىك ۇيىمىنىڭ اقپارات ءمينيسترى ءومىر يەتەكتى ارنايى وپەراتسيا بارىسىندا تۇتقىنداعان. جەرگىلىكتى قۇقىق قورعاۋ ورگاندارى تاراتقان اقپارات بويىنشا، يەتەك وسى ۋاقىتقا دەيىن «يسلام مەملەكەتى» تەررورلىق ۇيىمىنىڭ اقپارات سالاسىن باسقارعان جانە ەل اۋماعىندا بولعان بىرنەشە لاڭكەستىك شابۋىلداردى ۇيىمداستىرعان.

ەستەرىڭىزگە سالايىق، بۇعان دەيىن تۇركيا بيلىگى قاڭتار ايىندا «يسلام مەملەكەتى» تەررورلىق ۇيىمىنىڭ اۋىل شارۋاشىلىعى ءمينيسترىنىڭ تۇتقىندالعانى جونىندە مالىمدەمە تاراتقان بولاتىن.

“The Qazaq Times”