ءازىربايجان ەلەكتر ەنەرگياسىن قوقىستان «الادى»

ءازىربايجان استاناسى باكۋدە ەلەكتر ەنەرگياسىن قوقىس قالدىقتارىن وڭدەۋ ارقىلى تاراتاتىن زاۋىت سالىندى. بۇل تۋرالى مير-20 حابارلادى.

باكۋ ماڭىنداعى قالانىڭ بىرىندە شامامەن 70 ادام تۇرادى، قاجەتتى ينفراقۇرىلىم بار. الايدا، ءبىراز ۋاقىتتان بەرى ەلەكتر ستانتسيالارىنىڭ جۇمىسىندا تۇراقتى اقاۋلار ءجيى ورىن الا باستاعان. اتالعان ماسەلەنى شەشۋ ماقساتىندا قالا ماڭىندا ورتەنىپ جاتقان قوقىستان ەلەكتر قۋاتىن الاتىن زاۋىت سالىندى. بۇل جەردە جىلىنا شامامەن جارتى ميلليون توننا قوقىستى ورتەيدى. الىنعان ەنەرگيا 100 مىڭ جەكە مەنشىك ۇيگە جەتكىلىكتى. ال شيكىزات قالدىقتاردى باسقارۋ قوندىرعىسىنان كەلەدى.

قوقىس قالدىقتارى سۇرىپتاۋدىڭ ءۇش كەزەڭىنەن وتەدى: ءىرى كولەمدى قوقىستاردى ۇساق قوقىستان شىعارۋ، مەتالل قالدىقتاردان ارنايى ماگنيتتىڭ كومەگىمەن شىعارۋ جانە قولمەن سۇرىپتاۋ. زاۋىت جاقسى جەلدەتكىشپەن جابدىقتالعان جانە قىزمەتكەر ارنايى بەتپەردە جۇمىس ىستەيدى. زاۋىت قىزمەتكەرلەرىنىڭ ايتۋىنشا، العاشقى كۇندەرى جۇمىس اۋىر بولعان. سەبەبى، ورگانيكالىق قوقىس ارنايى پوليگونعا جىبەرىلەدى جانە ارنايى گەومبرانالىق قابىقپەن جابىلادى. قوقىس قالدىقتارىن وڭدەۋ بارىسىندا پايدا بولعان سۋدى ارنايى قۇرىلعىلار تازارتادى جانە اعاشتاردى سۋارۋ ءۇشىن پايدالانىلادى.

ءازىربايجاندا ەكولوگياعا زيان تيگىزەتىن، رۇقسات ەتىلمەگەن قوقىستاردىڭ پايدا بولۋى زاڭ بويىنشا قاتاڭ قاداعالانادى. زاڭنامانى بۇزعاندار ءۇشىن ايىپپۇل قاراستىرىلعان. 2019 جىلدىڭ باسىنان بەرى ارنايى باپ بويىنشا 157 اكت جازىلعان.

"The Qazaq Times"