جاپونياعا ساپارلاي بارعان يران سىرتقى ىستەر ءمينيسترى مۇحاممەد جاۆاد زاريف يراننىڭ اقش-پەن كەلىسسوزدى قالامايتىنىن قايتالادى. ول بۇل پىكىرىن جاپونيانىڭ «كيودو» اقپاراتتىق اگەنتتىگىنە بەرگەن سۇحباتىندا ورتاعا سالعان.  

زاريف سوزىندە: «قۇراما شتاتتار 2015 جىلعى «ورتاق قالام» كەلىسسوزىنەن بىرجاقتى شىعىپ كەتتى جانە تەھرانعا (تەگەران) قارسى ەكونوميكالىق قىسىم جاسادى. يران ۋاشينگتونمەن يادرولىق كەلىسىم جايدى قايتا كەلىسسوز جۇرگىزبەيدى»، – دەدى.

يران ءسىم باسشىسى سوزىندە اقش-تى ءوز مۇددەسى ءۇشىن وزگە ەلدەرى يرانعا قارسى سانكتسياعا قولداۋ كورسەتۋگە يتەرمەلەپ وتىرعانىن سىنعا الدى. ول ءبىر ەلدىڭ ءوز مۇددەسى ءۇشىن باسقا ەلدەرگە قىسىم جاساۋى تاياۋ زامانعى تاريحتا العاش رەت بولىپ وتىرعانىن ايتقان. ول جانە اقش-تىڭ يرانعا قارسى قىسىمىن «ەكونوميكالىق تەرروريزم» دەپ باعالاعان.

زاريف يراننىڭ يادرولىق كەلىسىمدى بەرىك ساقتاعانىن، ترامپ بيلىگىنىڭ بىرجاقتى شەشىمى عالامدىق قاۋىپسىزدىككە قاتەر ءتوندىرىپ وتىرعانىن ايتادى.

“The Qazaq Times ”