گەرمانيا كانتسلەرى انگەلا مەركەل ەۋروكوميسسيانىڭ "سولتۇستىك اعىن – 2" جوباسى قۇرىلىسىن توقتاتۋ مۇمكىندىگىنە كۇمان كەلتىرەدى. بۇل جونىندە «Deutsche Welle» جازدى.

مەركەلدىڭ پىكىرىنشە، جوبا تولىعىمەن بەكىتىلگەن، ەندى ونى "گاز ديرەكتيۆىنە" قاراماستان توقتاتۋ مۇمكىن ەمەس. تاياۋدا ەۋروكوميسسيا بريۋسسەلگە گاز جوبالارىن رەتتەيتىن قۇقىق بەرەتىن قۇجات قابىلداعان.

انگەلا مەركەل اتالعان جوبادا ۋكراينا رەسەي گازىن تاسىمالداۋدا ءترانزيتتى ەل رەتىندە قالۋى ءتيىس دەپ ەسەپتەيدى. ول بۇل ماسەلەنى ۋكراينانىڭ جاڭا سايلانعان پرەزيدەنتى ۆلاديمير زەلەنسكيمەن بىرگە تالقىلاۋعا ۋادە ەتتى.

"سولتۇستىك اعىن" گاز جوباسىنىڭ ەكىنشى كەزەڭىنىڭ سالىنۋىنا ەۋرووداقتىڭ بىرقاتار ەلدەرى قارسى شىعىپ وتىر. اسىرەسە ورتالىق جانە شىعىس ەۋروپا ەلدەرى. تىپتەن بۇل جوباعا تىيىم سالۋعا بارىن سالىپ جاتىر.

ال رەسەيدىڭ "گازپروم" كومپانياسىنىڭ باسقارما باسشىسى الەكسەي ميللەر «وسى ۋاقىتقا دەيىن گاز قۇبىرىنىڭ جارتىسىنان استامىن سالىپ بىتتىك» دەپ وتىر.

"The Qazaq Times"