قىرعىزستان وزبەكستاننىڭ ۇستىنەن حالىقارالىق سوتقا شاعىمدانباق.

قىرعىزستان ۇكىمەتى ىستىقكولدەگى وزبەكستانعا تيەسىلى ءتورت پانسيوناتتى قايتارۋ ءۇشىن سوتتاسقالى جاتىر. 2017 جىلى سول كەزدەگى پرەمەر-مينيستر ساپار يساكوۆ ينۆەستيتسيا مەن شاعىمدى قايتارىپ الۋ ءۇشىن تاشكەنتكە دەمالىس ورىندارىن قايتارىپ بەرۋگە شەشىم شىعارعان.

قىرعىز ۇكىمەتى ءباسپاسوز قىزمەتىنىڭ حابارلاۋىنشا، بۇگىنگى كۇنى حالىقارالىق اربيتراج سوتىندا ءىستى قاراۋ جالعاسىپ جاتىر. تاياۋدا اربيتراج تريبۋنالى بۇل ماسەلەنىڭ ءمان-جايىن تەكسەرۋدى اياقتاعان. ەندى سوت ونىڭ ماڭىزىن قاراۋى ءتيىس.

2016 جىلى تەمير ساريەۆ جەتەكشىلىك ەتكەن قىرعىزستان ۇكىمەتى سوۆەت زامانىنان بەرى وزبەكستان پايدالانىپ كەلگەن پانسيوناتتاردى مەملەكەت قاراماعىنا قايتارۋعا بايلانىستى شەشىم شىعارعان. ولار - "روحات-نبۋ" (كەيىن "التىن-جاي" دەپ وزگەرتىلدى) "التىن قۇم" ("بوستەري"), "ديلوروم" (كەيىن "ەنەساي") جانە "بۋستون" (اتاۋى سول كۇيىندە قالدى) پانسيوناتتارىن كەرى قايتارماق بولعان. بىراق وزبەكستان مۇنىمەن كەلىسپەي، حالىقارالىق سوتقا شاعىمدانعان.

2017 جىلدىڭ جەلتوقسان ايىندا ساپار يساكوۆ جەتەكشىلىك ەتكەن ۇكىمەت دەمالىس ورىندارىن وزبەكستانعا كەرى قايتارۋدى ۇيعارعان. بىراق تاراپتار بۇل شەشىمگە سول كۇيى قول قويماعان.

"The Qazaq Times"