تاشكەنت قالاسىنىڭ اكىمدىگى «ماڭگىلىك پولك» شەرۋىن وتكىزۋگە تىيىم سالدى.

«عالامتوردا مامىر ايىنىڭ 9-ى كۇنى تاشكەنت قالاسىندا «ماڭگىلىك پولك» شەرۋى وتەدى» - دەگەن جالعان اقپارات تاراۋدا. اتالمىش اقپارات شىندىققا جاناسپايدى. سەبەبى جالپى حالىقتىق شارا وتكىزۋگە بايلانىستى ەشكىم ءتيىستى ورگانداردان رۇقسات المادى» - دەلىنگەن تاشكەنت قالاسى اكىمدىگىنىڭ ءباسپاسوز قىزمەتى تاراتقان مالىمدەمەدە.

اكىمدىك «ماڭگىلىك پولك» شەرۋىنىڭ ورنىنا شاراعا قاتىسۋعا نيەتتىلەردى 9 مامىر كۇنى ساعات 10:00-دە بيلىك وكىلدەرى ۇيىمداستىراتىن ماڭگىلىك الاۋعا گۇل شوقتارىن قويۋ راسىمىنە شاقىردى.

بۇعان دەيىن ءساۋىر ايىندا «ماڭگىلىك پولك» شەرۋىن ۇيىمداستىرۋشىلار تاشكەنت قالاسىنىڭ اكىمى جاھانگەر ارتىقحودجاەۆتىڭ شارانى وتكىزۋگە رۇقسات بەرگەنىن مالىمدەگەن.

ەكى اپتا بۇرىن پرەمەر-مينيستر ابدۋللا ءارىپوۆ 9 مامىر كۇنى گەورگي تاسپاسىنىڭ ورنىنا ۇلتتىق ناقىشتاعى تاسپالاردى پايدالانۋدى ۇسىنعان.

"The Qazaq Times"