فوتو: https://gfx.nrk.no

ەۋروپالىق وداقتىڭ جوعارعى وكىلى فەدەريكا موگەريني ۆەنەسۋەلاداعى داعدارىستى توقتاتۋعا شاقىردى. وسىعان وراي كوستا-ريكادا ۆەنەسۋەلا جونىندەگى حالىقارالىق بايلانىس توبىنىڭ وتىرىسى وتكىزىلىپ جاتىر.

موگەريني مالىمدەمەسىندە: «ەۋروپا قولداۋ كورسەتپەسە، ۆەنەسۋەلانى مۋنيتسيپاليتەتتى داعدارىس جايلاۋى مۇمكىن. قازىر نەگىزگى ورىندا تقرعان ماسەلە – زورلىق-زومبىلىقتىڭ ۋشىعۋىنا جول بەرمەۋ جانە ساياسي ۇدەرىستىڭ پايدا بولۋى ءۇشىن كەڭىستىكتى ساقتاۋ.. حالىقارالىق قاۋىمداستىقتىڭ ارالاسۋىنسىز، اسكەري باسىپ كىرۋدىڭ قانداي دا ءبىر نىسانىنسىز، بىراق ساياسي پروتسەس ىسكە قوسىلۋى ءتيىس»، – دەيدى.

پرەزيدەنت نيكولاس مادۋروعا قارسى نارازىلىق تولقىنىندا وپپوزيتسيا كوشباسشىسى حۋان گۋايدو ءوزىن ۆەنەسۋەلانىڭ ۋاقىتشا پرەزيدەنتى دەپ جاريالاعان بولاتىن. قاڭتاردان باستاپ كاراكاستا حالىق تولقۋلارى ورىن الىپ، ەل بيۋدجەتى قۇلدىراعان. جىل باسىنان بەرى شەكارالاس مەملەكەتتەرگە قونىس اۋدارعان تۇرعىندار سانى دا ارتقان. ولاردىڭ باسىم بولىگى ساربازدار بولعاندىقتان، مەكسيكا مەن برازيليادان ۋاقىتشا باسپانا سۇراۋعا ءماجبۇر. وسى ماسەلەگە قاتىستى برازيليالىق پاكارايما قالاسىنىڭ بيلىگى ۆەنەسۋەلادان كەلىپ جاتقان بوسقىنداردى قابىلداۋ ءۇشىن بيۋدجەت قارجىسىن ۇلعايتۋدى سۇراعان. قالا باسشىسى جۋليانو توركۋاتۋدىڭ ايتۋىنشا، كورشى ەلدەن برازيلياعا قونىس اۋدارىپ جاتقاندار سانى سوڭعى ايدا 14 مىڭعا جەتكەن. زاڭسىز بوسقىنداردىڭ ارتۋى برازيليا ەكونوميكاسىنا دا زيانىن تيگىزۋدە.

30 ساۋىردە ۆەنەسۋەلا وپپوزيتسياسىنىڭ باسشىسى مەملەكەتتىك توڭكەرىس جاساۋعا ارەكەت ەتكەنىمەن، كەزەكتى مارتە ءساتسىز اياقتالدى. ەندى حۋان گۋايدو ۆەنەسۋەلانىڭ قازىرگى ۇكىمەتىن قۇلاتىپ، ءادىل سايلاۋ وتكىزۋ ءۇشىن شەتەلدىك قارۋلى كۇشتەردىڭ كومەگىن قابىلداۋعا دايىن ەكەندىگىن مالىمدەدى.

"The Qazaq Times"