پرەزيدەنت قاسىم-جومارت توقاەۆتىڭ جارلىقتارىمەن ەۋروپانىڭ التى مەملەكەتىندە قازاقستاننىڭ ەلشىلىكتەرى قۇرىلدى. بۇل تۋرالى رەسمي اقوردا سايتى ءمالىم ەتتى.

جارلىقتار بويىنشا قازاقستاننىڭ بەلگراد قالاسىنداعى (سەربيا رەسپۋبليكاسى) ديپلوماتيالىق ميسسياسى سەربيا رەسپۋبليكاسىنداعى ەلشىلىگى رەتىندە; براتيسلاۆا قالاسىنداعى (سلوۆاك رەسپۋبليكاسى) ديپلوماتيالىق ميسسياسى سلوۆاك رەسپۋبليكاسىنداعى ەلشىلىگى رەتىندە; ريگا قالاسىنداعى (لاتۆيا رەسپۋبليكاسى) ديپلوماتيالىق ميسسياسى لاتۆيا رەسپۋبليكاسىنداعى ەلشىلىگى رەتىندە جانە ليسسابون قالاسىنداعى (پورتۋگاليا رەسپۋبليكاسى) ديپلوماتيالىق ميسسياسى پورتۋگاليا رەسپۋبليكاسىنداعى ەلشىلىگى رەتىندە قايتا قۇرىلادى.

سونىمەن قاتار، بولگاريا رەسپۋبليكاسىنداعى ەلشىلىگى رەتىندە قايتا قۇرۋ جولىمەن قازاقستاننىڭ سوفيا قالاسىنداعى (بولگاريا رەسپۋبليكاسى) ديپلوماتيالىق ميسسياسى مەن ەستونيا رەسپۋبليكاسىنىڭ تاللينن قالاسىنداعى كونسۋلدىعىن قايتا ۇيىمداستىرۋ جونىندەگى جارلىقتارعا قول قويىلدى.

"The Qazaq Times"