قۇراما شتاتتىڭ يرانعا قارسى قاتاڭ ەسكەرتۋى مەن جاساپ جاتقان اسكەري قادامدارىنا بايلانىستى تەھران (تەگەران) تارابى دا ءوز جاۋابىن قايتارۋدا. يران ءسىم باسشىسى كەزەكتى مالىمدەمەسىندە اقش جانە بىرىككەن اراب امىرلىگىنە قاتار ەسكەرتۋ جاساپ، ايماقتا قاقتىعىس بولعان جاعدايدا زاردابىنىڭ اۋىر بولاتىنىن ايتتى.

يران سىرتقى ىستەر ءمينيستىرى مۇحاممەد جەۆاد زاريف مالىمدەمەسىندە، ساۋد ارابياسى مەن بىرىككەن اراب امىرلىگىن قۇراما شتاتتى يرانعا قارسى ايداپ سالىپ وتىر دەپ ايىپتادى. ول جانە تەكەتىرەس سوڭعى قاقتىعىسقا ۇلاسسا ايماقتا ەشكىمنىڭ امان قالمايتىنىن ەسكەرتكەن.

زاريف مالىمدەمەسىندە، اقش-تىڭ يران مۇناي ەكسپورتىنا قارسى شەشىمىن «ەكونوميكالىق تەرروريزم» رەتىندە باعالاعان، ءارى ۋاشينگتوندى ماقساتتى تۇردە قاقتىعىسقا يتەرمەلەپ وتىر دەپ سىنعا العان. ءارى، باتىس ەلدەرى 2015 جىلى قول قويىلعان يادرولىق قارۋدى دامىتپاۋ تۋرالى كەلىسىمدى ءوز ۋادەلەرىنە ساي ورىنداماي وتىر دەپ ايىپتاعان.

يران مەن اقش اراسىنداعى قايشىلىق كۇن ساناپ اسقىنىپ بارا جاتىر. ءتىپتى، قايشىلىق وزگە ەلدەردىڭ ارالاسۋىنسىز ارتا بەرگەن كۇننىڭ وزىندە، ونىڭ سوڭى «ەكىنشى شىعاناق سوعىسىنا» اپارىپ سوعۋى دا عاجاپ ەمەس. بۇل ورتا شىعىستىڭ قاۋىپسىزدىگى مەن بەيبىتشىلىك تۇراقتىلىعىن ءبىر جولاتا توقىراتادى.

“The Qazaq Times”