الەمدەگى ەڭ از جۇمىس ىستەپ، ەڭ كوپ جالاقى الاتىن ماماندىق

ءسىز trouble-shooter ماماندىعى تۋرالى ەستىپ پە ەدىڭىز؟ بۇل الەمنىڭ ءار بۇرىشىنا ۇشىپ بارىپ، كەز كەلگەن ادامداردىڭ، كەز-كەلگەن ماسەلەلەرىن شەشىپ بەرەتىن "ماماندار". ولاردىڭ قىزمەتىنە قاراپايىم ادامدارعا قاراعاندا، ۇلكەن كورپوراتسيالار كوپتەپ جۇگىنەدى. 

بۇل كاسىپپەن الەمدە تەك 100 شاقتى عانا ادام اينالىسادى ەكەن. ەڭ از تارالعان ماماندىق دەپ ايتۋعا بولادى. بىراق كەيبىرەۋلەرىنىڭ ءبىر جولعى اقىسى 100 000 دوللاردان اسىپ تۇسەدى. ال جۇمىس كەستەلەرى بىرنەشە اي بۇرىن جوسپارلانادى.

تrouble-shooter ءۇشىن ەڭ باستىسى - ونىڭ ابىروي، بەدەلى. تاپسىرىس بەرۋشىلەر اراسىندا قۇپيا تۇردە تانىلىپ، باسەكەلەستەرىنەن دە جاسىرىن جۇمىس جاساۋعا تىرىسادى. ولار ءۇشىن جالعىز ءارى باستى جارناما - "جۇزپايىزدىق ناتيجە". مۇلدە قاتەلەسۋگە بولمايدى.

ماقالانى وقي وتىرىپ ءسىز، مۇمكىن، رەكەتير جايلى ويلاپ وتىرعان بولارسىز. بىراق، ماسەلەنى شەشەتىندىگى راس شىعار بىراق ونى شەشۋ جولدارى مۇلدەم وزگەشە. تrouble-shooter-ءدىڭ رەكەتيرلەرگە ەش قاتىسى جوق. ماماندىقتىڭ قىر-سىرىن جاقسى ءتۇسىنۋ ءۇشىن مىنا ەكى مىسالدى قاراپ كورىڭىز.

امەريكادا ايلىق انىقتامالىقتاردى شىعاراتىن ەكى كومپانيا بولعان ەكەن. ەكەۋى دە ءبىر ۋاقىتتا، بىردەي اقپاراتتى تاراتىپ، ءبىر-بىرىنە ۇلكەن باسەكەلەس بولادى. ارقايسىسى نارىقتى جاۋلاپ الۋ ءۇشىن ءتۇرلى امالداردى جاسايدى. ءبىر-ءبىرىنىڭ قىزمەتكەرلەرىن ساتىپ الىپ، كومپانيانىڭ ىشىنە ىرىتكى سالىپ تا، ءبىر-بىرىنە قارا پيار جاساپ تا كوردى. بىراق ەشقانداي ناتيجە شىعا قويمادى. بىراق ەكى انىقتامالىقتىڭ بىردەي بولعانىنا قاراماستان ەلدەر ەكەۋىن دە بىر دوللاردان  ساتىپ الاتىن بولعان.

بۇل باسەكەلەستىكتەن شارشاعان كومپانيانىڭ بىرەۋى  trouble-shooter-ءدى جالدايدى.

ول بۇل ماسەلەنى تىڭداپ بولىپ، ءسال ويلانىپ، مىناداي شەشىمگە كەلدى.

-سىزدەر كەلەسى ايداعى انىقتامالىقتىڭ كولەمىن كىشكەنە، قالىڭ ەتىپ شىعارىڭىزدار. بىراق ىشىندەگى اقپارات ەكەۋىڭدە دە بىردەي بولسىن. - دەپ، ءوز اقىسىن الىپ كەتىپ قالادى، ال باسەكەلەسكەن كومپانيا ەكى ايدان كەيىن داعدارىسقا ۇشىراپ، جابىلىپ قالادى.

بۇل جەردەگى بار ماسەلە مىنادا بولىپ تۇر: ادامدار ەكى انىقتامالىقتى دا ساتىپ العاندا ولاردىڭ كولەمى مەن قالىڭدىعى بىردەي بولاتىن. ول كەزدە ادامدار قايسىسىن ءجيى قولداناتىندارىن دا اڭعارا بەرمەيتىن. ال ارنايى  trouble-shooter-ءدىڭ اقىلىنا قۇلاق اسقان كومپانيا انىقتامالىقتى كىشى كولەمدە، قالىڭ ەتىپ جاسادى. سول كەزدە كەز-كەلگەن ادام كىشى، قالىڭ انىقتامالىقتى ۇلكەنىنىڭ ۇستىنە قويادى دا سونى ءجيى پايدالاناتىن بولعان. ارادا ءبىراز ۋاقىت وتكەننەن كەيىن ەكىنشى انىقتامالىقتى مۇلدە پايدالانبايتىندىعىن اڭعارعان سوڭ ونى ساتىپ الۋدىڭ دا اسا قاجەت ەمەستىگىن تۇسىنگەن.

ەكىنشى مىسال.

الەمدىك Nike كومپانياسىنىڭ  باس كەڭسەسىندە 1000 مەنەدجەر مەن مامان ءبىر ماسەلەنى شەشە الماي باس قاتىرادى. اقىرىدا شەشىمىن تاپپاعان سوڭ  trouble-shooter-ءدى شاقىرتادى.

-ءبىز افريكانىڭ كەيبىر جاعدايى تومەن ەلدەرىندە سپورتتىق اياق كيىمدەردى شىعارا باستادىق. جەرگىلىكتى تۇرعىندارعا جۇمىس ورىندارىن اشا وتىرىپ، فابريكالاردى سالىپ، قىزمەتكەرلەردى ۇيرەتىپ، بارلىق قارجىلىق ماسەلەلەردى رەتتەستىرىپ قويعان ەدىك. بىراق جۇمىس باستالعالى بەرى ءوزىمىزدىڭ قىزمەتكەرلەرىمىز اياق كيىمدەردى ۇرلاي باستادى. كەيىن كۇزەتشىلەرىمىزبەن قوسا كومپانيا ءونىمىن تالان-تاراجعا سالىپ، ءبىراز شىعىنعا ۇشىرادىق. امەريكادان ارنايى كۇزەتشىلەردى جالداۋ - ۇلكەن اقشانى قاجەت ەتىپ وتىر.

تrouble-shooter:

- سوندا مەنەن نە قاجەت؟

- شتاتتاردان كۇزەتشى شاقىرتپاي-اق، بۇل ۇرلىقتى قالاي توقتاتۋعا بولادى. فابريكالار ورنالاسقان ايماقتاعى تۇرعىنداردىڭ اربىرىندە باعاسى وزدەرىنىڭ جىلدىق تابىسىنان ارتىق اياق كيىمدەرى بار. بۇل باسسىزدىقتى قالاي دوعارساق ەكەن؟ ۇرلىقتى مۇلدە توقتاتۋ ءۇشىن نە ىسەۋ كەرەك؟

Trouble-shooter 1000 مەنەدجەردىڭ اقىلى جەتپەگەن بۇل ماسەلەنى تولىق تۇسىنە قويمادى. جانە اياق كيىم ءوندىرىسى جايلى ەشنارسەنى دە بىلمەيتىن ەدى. بىراق ول كەز-كەلگەن دۇنيەنى باسقا قىرىنان قاراي الادى. قاراڭعى بولمەدە ءسال ويلانىپ وتىردى دا، مىناداي شەشىمگە كەلدى:

- سىزدەر اياق كيىمنىڭ ءبىر سىڭارىن باسقا ەلدە،ەكىنشى سىڭارىن تاعى ءبىر ەلدە وندىرىڭىزدەر.

وسى ءادىستى پايدالانۋ ارقىلى كومپانيا قالاعان ناتيجەسىنە جەتە الدى.

“The Qazaq Times”