اقش كونگرەسى كەزەكتى بايانداماسىندا XXI عاسىر باستالعالى قىتايداعى امەريكالىق كومپانيالاردىڭ «اۋقىمدى كوبەيۋى» اقش-تىڭ ونەركاسىپتىك باسەكەگە قابىلەتتىلىگىنە جانە ۇزاق مەرزىمدى تەحنولوگيالىق سالاداعى كوشباسشىلىعىنا قاۋىپ ءتوندىرۋى مۇمكىن دەپ مالىمدەدى.

اقش ەكونوميكالىق جانە قاۋىپسىزدىك كوميسسياسى (USCC) سارسەنبىدە اقش-تاعى قىتاي كومپانيالارى وندىرىستەن زەرتتەۋ سياقتى ماڭىزدى قىزمەتكە تەز اۋىسادى، بۇل «قىتايدىڭ وندىرىستىك ساياساتىن قولعا الۋعا مۇمكىندىك بەرەتىنىن العا تارتتى. ستاتيستيكا بويىنشا 2010 جىلدان 2017 جىلعا دەيىن اقش كومپانيالارىنىڭ قىتايداعى فيليالدارىنىڭ سانى 227% -عا، كومپانيا اكتيۆتەرى 1427% -عا، ساتىلىم جاعىنان 135% -عا وسكەن.

جوعارىداعى كورسەتكىش بويىنشا، بۇل كومپانيالار «قىتايدىڭ ارزان جۇمىس كۇشىن، تاسىمال باعاسىنىڭ ارزاندىعىن، بۇكىل الەمدىك ەكسپورتقا قولايلىلىعى جانە قىتايدىڭ تۇتىنۋشىلار نارىعى سىندى ارتىقشىلىعىنا قىزىعادى».

الايدا، بۇل جاناما تۇردە اقش-تىڭ ىشكى ونەركاسىبىنىڭ باسەكەگە قابىلەتتىلىگىن جانە قىتايعا قارسى تەحنولوگيالىق كوشباسشىلىقتى السىرەتۋ مۇمكىن. بۇل تەندەنتسيا «قىتايعا ءوزىنىڭ يندۋستريالىق ساياساتى مەن اسكەري دامۋ ماقساتتارىنا قول جەتكىزۋگە مۇمكىندىك بەرەدى" دەپ قاۋىپتەنۋدە.

باياندامادا ايتىلعانداي، اقش پەن قىتاي اراسىنداعى ستراتەگيالىق باسەكەلەستىك كۇشەيگەن سايىن، كونگرەسس اقش-تىڭ يننوۆاتسيالىق مۇمكىندىكتەرى مەن كوشباسشىلىعىن قالاي ساقتاۋ جانە قورعاۋ كەرەكتىگىن قاراستىرۋى ءتيىس. بۇل تالاپتار ورىندالماسا اقش-تىڭ ۇلتتىق قاۋىپسىزدىگىنە قاۋىپ توندىرەتىن سالالاردىڭ مەملەكەتكە تاۋەلدىلىگىن ارتتىرادى، سونداي-اق، جەتكىزۋ سالاسىنىڭ قۇنىن ارتتىرىپ، مەملەكەتكە ۇلكەن شىعىن اكەلەدى دەلىنگەن.

“The Qazaq Times”