Foto: alexandersakulin.com

Siz trouble-shooter mamandığı turalı estip pe ediñiz? Bwl älemniñ är bwrışına wşıp barıp, kez kelgen adamdardıñ, kez-kelgen mäselelerin şeşip beretin "mamandar". Olardıñ qızmetine qarapayım adamdarğa qarağanda, ülken korporaciyalar köptep jüginedi. 

Bwl käsippen älemde tek 100 şaqtı ğana adam aynalısadı eken. Eñ az taralğan mamandıq dep aytuğa boladı. Biraq keybireuleriniñ bir jolğı aqısı 100 000 dollardan asıp tüsedi. Al jwmıs kesteleri birneşe ay bwrın josparlanadı.

Trouble-shooter üşin eñ bastısı - onıñ abıroy, bedeli. Tapsırıs beruşiler arasında qwpiya türde tanılıp, bäsekelesterinen de jasırın jwmıs jasauğa tırısadı. Olar üşin jalğız äri bastı jarnama - "jüzpayızdıq nätije". Mülde qatelesuge bolmaydı.

Maqalanı oqi otırıp siz, mümkin, reketir jaylı oylap otırğan bolarsız. Biraq, mäseleni şeşetindigi ras şığar biraq onı şeşu joldarı müldem özgeşe. Trouble-shooter-diñ reketirlerge eş qatısı joq. Mamandıqtıñ qır-sırın jaqsı tüsinu üşin mına eki mısaldı qarap köriñiz.

Amerikada aylıq anıqtamalıqtardı şığaratın eki kompaniya bolğan eken. Ekeui de bir uaqıtta, birdey aqparattı taratıp, bir-birine ülken bäsekeles boladı. Ärqaysısı narıqtı jaulap alu üşin türli amaldardı jasaydı. Bir-biriniñ qızmetkerlerin satıp alıp, kompaniyanıñ işine iritki salıp ta, bir-birine qara piar jasap ta kördi. Biraq eşqanday nätije şığa qoymadı. Biraq eki anıqtamalıqtıñ birdey bolğanına qaramastan elder ekeuin de bir dollardan  satıp alatın bolğan.

Bwl bäsekelestikten şarşağan kompaniyanıñ bireui  trouble-shooter-di jaldaydı.

Ol bwl mäseleni tıñdap bolıp, säl oylanıp, mınaday şeşimge keldi.

-Sizder kelesi aydağı anıqtamalıqtıñ kölemin kişkene, qalıñ etip şığarıñızdar. Biraq işindegi aqparat ekeuiñde de birdey bolsın. - dep, öz aqısın alıp ketip qaladı, al bäsekelesken kompaniya eki aydan keyin dağdarısqa wşırap, jabılıp qaladı.

Bwl jerdegi bar mäsele mınada bolıp twr: adamdar eki anıqtamalıqtı da satıp alğanda olardıñ kölemi men qalıñdığı birdey bolatın. Ol kezde adamdar qaysısın jii qoldanatındarın da añğara bermeytin. Al arnayı  trouble-shooter-diñ aqılına qwlaq asqan kompaniya anıqtamalıqtı kişi kölemde, qalıñ etip jasadı. Sol kezde kez-kelgen adam kişi, qalıñ anıqtamalıqtı ülkeniniñ üstine qoyadı da sonı jii paydalanatın bolğan. Arada biraz uaqıt ötkennen keyin ekinşi anıqtamalıqtı mülde paydalanbaytındığın añğarğan soñ onı satıp aludıñ da asa qajet emestigin tüsingen.

Ekinşi mısal.

Älemdik Nike kompaniyasınıñ  bas keñsesinde 1000 menedjer men maman bir mäseleni şeşe almay bas qatıradı. Aqırıda şeşimin tappağan soñ  trouble-shooter-di şaqırtadı.

-Biz Afrikanıñ keybir jağdayı tömen elderinde sporttıq ayaq kiimderdi şığara bastadıq. Jergilikti twrğındarğa jwmıs orındarın aşa otırıp, fabrikalardı salıp, qızmetkerlerdi üyretip, barlıq qarjılıq mäselelerdi rettestirip qoyğan edik. Biraq jwmıs bastalğalı beri özimizdiñ qızmetkerlerimiz ayaq kiimderdi wrlay bastadı. Keyin küzetşilerimizben qosa kompaniya önimin talan-tarajğa salıp, biraz şığınğa wşıradıq. Amerikadan arnayı küzetşilerdi jaldau - ülken aqşanı qajet etip otır.

Trouble-shooter:

- Sonda menen ne qajet?

- Ştattardan küzetşi şaqırtpay-aq, bwl wrlıqtı qalay toqtatuğa boladı. Fabrikalar ornalasqan aymaqtağı twrğındardıñ ärbirinde bağası özderiniñ jıldıq tabısınan artıq ayaq kiimderi bar. Bwl bassızdıqtı qalay doğarsaq eken? Wrlıqtı mülde toqtatu üşin ne iseu kerek?

Trouble-shooter 1000 menedjerdiñ aqılı jetpegen bwl mäseleni tolıq tüsine qoymadı. Jäne ayaq kiim öndirisi jaylı eşnärseni de bilmeytin edi. Biraq ol kez-kelgen dünieni basqa qırınan qaray aladı. Qarañğı bölmede säl oylanıp otırdı da, mınaday şeşimge keldi:

- Sizder ayaq kiimniñ bir sıñarın basqa elde,ekinşi sıñarın tağı bir elde öndiriñizder.

Osı ädisti paydalanu arqılı kompaniya qalağan nätijesine jete aldı.

“The Qazaq Times”