حۋان گۋايدو ۇكىمەت قىزمەتكەرلەرىن نارازىلىق شەرۋگە شاقىردى. فوتو: EPA/BBC.

ۆەنەسۋەلا وپپوزيتسياسىنىڭ جەتەكشىسى حۋان گۋايدو پرەزيدەنت نيكولاس مادۋروعا بولعان قارسىلىقتى ارتتىرۋ ءۇشىن ۇكىمەت قىزمەتكەرلەرىن جۇمىس تاستاۋعا شاقىردى. بۇل تۋرالى Reuters اقپاراتتىق اگەنتتىگى حابارلادى.

وسى اپتانىڭ باسىندا ءوزىن ۋاقىتتىق ۇكىمەت باسشىسى رەتىندە جاريالاعان حۋان گۋايدو ەل قارۋلى كۇشتەرىنىڭ ءوز تارابىنا وتكەنىن مالىمدەپ، حالىقتى نارازىلىق اكتسياسىنا شىعۋعا شاقىرعان بولاتىن. سەيسەنبىدە وتكەن نارازىلىق شەرۋدە قاۋىپسىزدىك كۇشتەرى مەن نارازى توپ اراسىندا قاقتىعىس بولىپ، ءبىر ادام قازا تاپتى.

ال، اقش مەملەكەتتىك حاتشىسى مايك پومپەو نيكولاس مادۋرونى  ەلدەن قاشىپ كەتۋگە دايىن وتىر دەپ مالىمدەگەن ەدى. الايدا، بۇل ءسوزدى مادۋرو جوققا شىعارىپ، ونى قۇراما شتاتتاردىڭ ۆەنەسۋەلادا رەۆوليۋتسيا ۇيىمداستىرۋ ءۇشىن جاساعان امالى دەپ باعالادى.

دەگەنمەن، ۆەنەسۋەلادا الەۋمەتتىك-ساياسي، ەكونوميكالىق داعدارىس شىڭىنا شىعىپ، ازاماتتىق سوعىس الدىندا تۇرسا دا پرەزيدەنت مادۋرو وپپوزيتسيامەن كەلىسسوزگە كەلۋ نيەتىن بايقاتپادى. كەرىسىنشە ولاردى جازاعا تارتۋعا تىرىسۋدا.

قازىر ۆەنەسۋەلاداعى داعدارىسقا بايلانىستى اقش پەن رەسەي اراسىنداعى مامىلەدە كۇن ساناپ كەرى كەتىپ بارادى.

“The Qazaq Times”