فوتو: vdiscus.ru

 قازىرگى زاماندا كۇنىمىزدى سمارتفونسىز ەلەستەتۋ قيىن. ءتىپتى زامانداستارىمىز ءۇشىن ەڭ ۇلكەن ماسەلە - قۋاتى تاۋسىلعان تەلەفوندار مەن ىستەن شىققان قۇلاققاپتار  سەكىلدى. ء"ومىرىمىزدىڭ اجىراماس بولشەگىنە" اينالعان بۇل  گادجەتتەردى ءوندىرۋشى كومپانيالار كۇن وتكەن سايىن تابىسىن ۇلعايتىپ، ەڭ باي يمپەريالاردىڭ نەگىزىن قالاپ جاتىر.

ەندى كەز-كەلگەن ادام قولداناتىن بۇل سمارتفونداردىڭ كوپشىلىك  بىلە بەرمەيتىن  بىراز سىرلارى مەن ءبارى بىردەي جاسايتىن قاتەلىكتەرىنە توقتالساق. 

 1. ءسىز ەشقاشان تەلفونىڭىزدى ارنايى ءوشىرىپ قويمايسىز. 

تەلەفوندى اپتاسىنا ءبىر رەت ءوشىرىپ قويۋ كەرەكتىگىن كوپشىلىك بىلە بەرمەيدى. مامانداردىڭ ايتۋىنشا بۇل پروفيلاكتيكالىق پروتسەسس اككۋمۋلياتوردىڭ ۇزاق ۋاقىت جۇمىس ىستەۋىنە كومەكتەسەدى ەكەن. ايتا كەتسەك، تەلەفونداردى وياتقىش رەتىندە پايدالانۋ دا قۋات كوزىنىڭ شىعىنىنا الىپ كەلەدى، ودان دا قاراپايىم ساعاتتى پايدالانعانىڭىز ءجون.

2. ءسىز ءاردايىم Wi-Fi مەن Bluetooth-دى قوسىپ قوياسىز.

قاجەت ەمەس، قولدانبايتىن فۋنكتسيالاردى ءوشىرىپ قويعان ءجون. ارتىق قۋات كوزىن شىعىنداۋدىڭ ءتيىمسىز ەكەندىگىن ءوزىڭىز دە بىلەسىز.

3. اۋا-رايىنىڭ قانداي بولعانىنا قاراماستان تەلەفوندى ءجيى پايدالاناسىز. 

جالپى كەز-كەلگەن سمارتفون ەكسترەمالدى اۋا-رايىنا شىدامدى ەتىپ جاسالماعان. تىم سۋىق نەمەسە قاتتى ىستىق اۋا رايىندا تەلەفون اككۋمۋلياتورىنىڭ  قىزمەتى بۇزىلادى. مامانداردىڭ ايتىنشا، -20 گرادۋس پەن +30 گرادۋس تسەلسي ارالىعىنداعى اتموسفەرا - قالىپتى دەڭگەي بولىپ تابىلادى. سول سەبەپتى دە قىستىڭ قاقاعان ايازىندا تەلەفونىڭىزدى قالتادان شىعارماي-اق قويعانىڭىز ابزال، اسىرەسە استانادا.

4. تۇنىمەن قۋات كوزىندە قالدىراسىز. 

ماماندار تەلەفوندى 100 پايىزعا تولىق قۋاتتاۋ دا زيان ەكەندىگىن جەتكىزىپ وتىر. 95-96 پايىز بولعاندا سەنىمدى تۇردە سمارتفونىڭىزدى قۋات كوزىنەن اجىراتىڭىز. سوعان سايكەس، تۇنىمەن قۋات كوزىنە - قويۋ ۇلكەن قاتەلىك.

5. قۋات كوزىن 0 پايىز قىلىپ بارىپ، 100 پايىزعا بىردەن قۋاتتايسىز.

سوڭعى كەزدە كوپ پايدالانىلاتىن ليتي-يوندى اككۋمۋلياتورلار 50-80 پايىز كەزىندە قۋات كوزىنە قوسقاندا جاقسى جۇمىس جاسايدى. بۇل جايلى تەلەفوندارعا قاجەتتى زاتتاردى، اككۋمۋلياتورلار مەن قۋاتتاعىشتاردى وندىرەتىن Farbe Technik كومپانياسىنىڭ نەگىزىن قالاۋشى شەين بروەسكيدىڭ ءوزى ايتقان بولاتىن.

6. ارزان قۋاتتاعىشتاردى كوپ پايدالاناسىز.

كوبىنە Apple فيرماسىنىڭ IPhone سمارتفوندارىنىڭ قۋاتتاعىشتارى تەز ءۇزىلىپ قالىپ جاتادى. ال ساپالىسى تىم قىمبات تۇرعاندىقتان، كوبىنە ارزانىن العاندى ءجون كورەمىز. بۇل اككۋمۋلياتوردى قۇرتاتىن ەڭ باستى فوكتور ەكەندىگىن ەسىڭىزگە سالامىز.

7. تەلەفوندارىڭىزدى ءجيى تازالامايسىزدار.

يا، يا، قولداعى تەلەفونداردى ءجيى تازالاپ تۇرۋ قاجەت. گادجەتىڭىزدىڭ ەكرانى قاراپايىم قول جۋعىشقا قاراعاندا كوپ مولشەردە ميكروبتار مەن باكتەريالاردى جينايدى. سول سەبەپتى جەكە باس گيگيەناسىن ساقتاۋ ماقساتىندا قاراپايىم سپيرتتەلگەن ماقتا نەمەسە ارنايى تازالاعىش زاتتارمەن تەلەفونىڭىزدى ءجيى ءسۇرتىپ تۇرىڭىز. قۋاتتاعىش قوسىلاتىن جەرگە قوقىستار تۇرىپ قالىپ، تەلەفوننىڭ  ىستەن شىعۋى دا  عاجاپ ەمەس.

8. بارلىق باعدارلامالارعا گەولوكاتسيا قىزمەتىن قولدانۋعا رۇقسات بەرەسىز. 

ەگەر تەلەفونىڭىز قۋاتىن تەز جوعالتاتىن بولسا - سونىڭ تاعى ءبىر سەبەبى دە وسى. گەولوكاتسيا دا Wi-Fi سەكىلدى قۋات كوزىن كوپ قاجەت ەتەدى. سوندىقتان دا تەك اسا قاجەت باعدارلامالارعا گەولوكاتسيانى قولدانىڭىز.

 

مىنە، وسى كەڭەستەردى پايدالانا وتىرىپ، قۋات كوزىن قالاي ۇزاققا جەتكىزۋگە بولادى جانە سمارتفونداردىڭ اككۋمۋلياتورلارى ۇزاق قىزمەت ەتۋى ءۇشىن نە ىستەۋ كەرەك دەگەن سۇراقتارعا باس اۋىرتپاساڭىز دا بولادى. 
“The Qazaq Times”