فوتو: engadget.com

 «Samsung» كومپانياسى ساقتاۋ جادى 1 تەرابايت بولاتىن الەمدەگى ەڭ ءبىرىنشى سمارتفون شىعارۋدى جوسپارلاپ وتىر.

كورەيالىق كومپانيانىڭ ساتۋ جانە دامىتۋ ۆيتسە-پرەزيدەنتى چول چوي جاڭا تەلەفون تۇتىنۋشىلار ءۇشىن ۇلكەن ءرول وينايتىندىعىن جەتكىزدى. سونىمەن بىرگە بارلىق ىڭعايلى جاقتارى قاراستىرىلعاندىعىن اتاپ ءوتتى.

بۇدان بولەك، ساقتاۋ جادىنىڭ وتكىزگۋ امالدارى دا جىلدام جۇرگىزىلەتىن بولادى. سەكۋنتىنا 1000 مب-تى جىلدامدىقپەن تاسمالدايتىن سمارتفون SSD قاتتى ديسكىسىنىڭ قوندىرعىسىمەن بىردەي جۇمىستار اتقارادى.

Samsung كومپانياسىنىڭ ونىمدەرىمەن اۋەستەنەتىندەر قازىردىڭ وزىندە ونىڭ تەزىرەك شىعۋىن كۇتىپ وتىر. Galaxy S10 ۇلگىسىندەگى سمارتفوننان مىقتى بولاتىندىعىن ەسكەرگەن ساراپشىلار، ۇيالى بايلانىس قۇرالدارىن بىلاي العاندا، ەڭ جوعارعى دارەجەدەگى نوۋتبۋكتار قاتارىنان تابىلاتىندىعىنا سەنىمدى. الايدا، ونىڭ ناقتى قۇنى مەن قاي ۋاقىتتان باستاپ نارىققا شىعاتىندىعى ازىرگە بەلگىسىز.

"The Qazaq Times"