كورنەكى سۋرەت. فوتو: http://mignews.com.ua

فرانتسيانىڭ ەكس-پرەمەرى فرانسۋا فيون مەن ايەلى پەنەلوپا «مەملەكەت قارجىسىن جىمقىردى» دەگەن كۇدىككە ءىلىندى. بۇل تۋرالى نەمىس تولقىنى حابارلادى.

مالىمەتتەر بويىنشا، پەنەلوپا فيون فرانتسيا پارلامەنتى مەن «Revue des deux mondes» باسىلىمىنان 1 ملن دوللاردان استام اقشا العان. ەگەر فيونداردىڭ قارجى جىمقىرعانى دالەلدەنسە، 10 جىلعا باس بوستاندىعىنان ايىرىلادى نەمەسە 1 ميلليون ەۋرو كولەمىندە ايىپپۇل تولەيدى.

2017 جىلى فرانتسيا ۇلتتىق كەڭەسىنىڭ كەزەكتى وتىرىسىندا ەل پارلامەنتىنىڭ دەپۋتاتتارىنا جۇمىسقا تۋىستارىن الۋعا تىيىم سالاتىن زاڭ جوباسىن ەنگىزگەن. فرانتسيا بيلىگى بۇل زاڭدى سايلاۋ كەزىندە پرەزيدەنتتىككە ۇمىتكەر اتانعان فرانسۋا فيون ءوز ايەلىن جۇمىسقا الىپ، وعان جوعارى جالاقى تاعايىنداۋىنا بايلانىستى شىققان داۋدان كەيىن قابىلداعان. كەيىننەن نيكوليا ساركوزي پرەزيدەنتتىگى كەزىندە پرەمەر-مينيستر قىزمەتىن اتقارعان.

"The Qazaq Times"