قىرعىزستان ارنايى قىزمەتى ورتالىق ازيادا تەراكت ۇيىمداستىرماق بولعان سودىردى ۇستادى.
قىرعىزستان ۇلتتىق قاۋىپسىزدىك جونىندەگى مەملەكەتتىك كوميتەتىنىڭ ءباسپاسوز قىزمەتى حابارلاعانداي، ۇستالعان كۇدىكتى لاڭكەستىك ارەكەتتەرگە قاتىسقانى ءۇشىن ىزدەۋدە جۇرگەن جانە 2016 جىلدان بەرى حالىقارالىق تەرروريستىك ۇيىم قۇرامىندا بولعان. سونىمەن قاتار، ءسۇريادا ديۆەرسيالىق جاتتىعۋدان وتكەن.
رەسمي حابارلامادا: «سودىرلار مەن حالىقارالىق تەرروريستىك ۇيىمداردىڭ مۇشەلەرىنىڭ قىرعىزستان اۋماعىنا كىرۋ جولىن كەسۋگە ارنالعان شارا بارىسىندا 28 جاسار قىرعىزستان ازاماتى ۇستالدى. 2018 جىلى قاراشادا حالىقارالىق تەرروريستىك ۇيىم باسشىلارىنىڭ بۇيرىعىمەن ءسۇريادان كەتىپ، ورتالىق ازيا ەلدەرىندە قارۋلى دجيحاد جاساۋعا جىبەرىلگەن. وعان وزگە سودىرلاردى كۇتىپ، لاڭكەستىك توپتاردى قۇرا وتىرىپ وزدىگىنەن جارىلاتىن قۇرىلعىلارمەن تەرروريستىك اكتسيالاردى جاساۋ مىندەتى بەرىلگەن»، – دەلىنگەن.
ەسكە سالا كەتەيىك، 2017 جىلى 3 ساۋىردە سانكت-پەتەربۋرگ مەتروسىندا تەراكت ۇيىمداستىرعان ەكى قىرعىزستاندىق قاماۋعا الىنعان بولاتىن. وسى وقيعادان كەيىن قىرعىزستان بيلىگى تەررورلىق توپتارمەن كۇرەسۋدى كۇشەيتكەن.
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
Oyan, Qazaqstan قوزعالىسىنىڭ تاعى ءبىر بەلسەندىسىن پوليتسيا بولىمىنە شاقىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
ەكس-مينيستر ايەلىن ساباپ ءولتىردى دەگەن كۇدىكپەن ۇستالدى