تۇركىمەنستاننىڭ وڭتۇستىگىندەگى بىرنەشە ايماق تاعى دا ۇن تاپشىلىعىن تارتىپ جاتىر.

جەرگىلىكتى باق وكىلدەرىنىڭ حابارلاۋىنشا، مارىي ءۋالاياتىنىڭ بىرقاتار اۋداندارىنىڭ حالقى ۇن تاپشىلىعىن كورىپ وتىر. سەرحاتابات اۋدانىنىڭ يمامبابا، قاراكول اۋىلدارىندا ەكى اپتادان بەرى ۇن ساتىلىمعا شىعارىلماعان.

"بايرامالي، گاراگۋم، يولوتەن، ساكار-چەگە، مۋرگاب ەلدىمەكەندەرىنىڭ تۇرعىندارى ناۋرىز ايىنىڭ ۇنىن ءساۋىردىڭ ورتاسىندا عانا العان", - دەپ جازدى "حرونيكا تۋركمەنيستانا" باسىلىمى. «ءساۋىر ايىنىڭ ۇنىن ەندى ماۋسىمدا، جاڭا ەگىستىك جينالعان ۋاقىتتا عانا بەرە باستايدى» - دەگەن بولجام ايتادى باق وكىلدەرى.

مارىي ۋالاياتىنداعى ۇن تاپشىلىعى كورشىلەس اۋعانستانعا كورسەتىلگەن گۋمانيتارلىق كومەككە بايلانىستى تۋىنداعان. ساراپشىلاردىڭ پىكىرىنشە، ازىق-تۇلىك، اسىرەسە ۇن اۋعانستانعا گۋمانيتارلىق كومەك رەتىندە بەرىلىپ جاتىر. سول سەبەپتى مارىي تۇرعىندارى ۇنسىز قالۋدا.

"The Qazaq Times"