اقش پەن فرانتسيا سوعىس كەمەلەرى قىزىل تەڭىزدە كەزدەستى

قۇراما شتاتتىڭ «ستانيسس» ۇشاق تاسىمالداۋشى كەمەسىنىڭ جاۋىنگەرلىك توبى مەن فرانتسيانىڭ شارل دە گولل تاسىمالداۋشى كەمەسىنىڭ اسكەري توبى دۇيسەنبى كۇنى قىزىل تەڭىزدە PASSEX بىرلەسكەن سۋ ءۇستى اسكەري جاتتىعۋلارىن وتكىزدى.

تەڭىز اسكەري جاتتىعۋىنا ەكى ەلدىڭ ۇشاق تاسىمالداۋشى كەمەلەرىمەن قاتار، باسقارىلمالى زىمىران قوندىرعىلى جويعىش كەمەلەرى، شارلاۋشى جانە شابۋىلشى كەمەلەرى دە قاتىسقان. اتالعان جاتتىعۋدا اقش پەن فرانتسيا تەڭىز كۇشتەرى سۋ ۇستىندە ۇشاق تاسىمالداۋ، ۇشاقتاردىڭ رەيس الماستىرۋى، ءتۇندى ارتيللەريالىق شابۋىل جانە شابۋىلدان قورعانۋ، سونداي-اق، ينفورماتسيا الماسۋ قاتارلى جاتتىعۋ تۇرلەرىن وتكىزگەن.

اقش-تىڭ «ستانيسس» ۇشاق تاسىمالداۋشى كەلەسىنىڭ جاۋىنگەرلىك توبى جەرورتا تەڭىزى مەن تىنىق مۇحيتىندا اسكەري وپەراتسيالاردى ورىندايتىن 5-ءشى فلوتىنا قاراستى. بۇل كەمەلەر توبى ءۇندى مۇحيتىنىڭ سولتۇستىگى، اراب، ومان شىعاناقتارى، قىزىل تەڭىز جانە ورمۋز بەن سۋەتس سەكىلدى حالىقارالىق ماڭىزدى سۋ جولدارىندا شارلاۋ جۇرگىزىپ، جالپى كولەمى 6,5 ملن شارشى شاقىرىمدىق تەڭىز اۋماعىندا ارەكەت ەتەدى.

“The Qazaq Times”