اقش يرانعا قارۋلى كۇشپەن ەسكەرتۋ بەرۋى مۇمكىن

اق ءۇيدىڭ ءباسپاسوز قىزمەتى پرەزيدەنتتىڭ ۇلتتىق قاۋىپسىزدىك جونىندەگى ارنايى كەڭەسشىسى بولتوننىڭ مالىمدەمەسىن جاريا ەتتى. مالىمدەمەدە، اقش ۇشاق تاسىمالداۋشى كەمەلەرىنىڭ شابۋىل توبى مەن بومبالاۋشى ۇشاقتاردىڭ ارنايى توبى يرانعا قارسى ايقىن ەسكەرتۋ جاسايتىنى ايتىلعان.

بولتون جەكسەنبى كۇنگى مالىمدەمەسىندە، اقش پەن ونىڭ وداقتاستارىنىڭ مۇددەسىنە قاۋىپ توندىرەتىن كەز-كەلگەن ارەكەت قارۋلى ارميانىڭ ارەكەتىنە تاپ بولاتىنىن ەسكەرتكەن. ول جانە امەريكا قۇراما شتاتتارىنىڭ تەڭىز اسكەري قولباسشىلىق باس شابى، يران تارابىنان بولعان قارسىلىقتار مەن كەيبىر قاۋىپسىزدىككە تونگەن قاتەرلەرگە جاۋاپ رەتىندە «لينكولن» ۇشاق تاسىمالداۋشى كەمەسىنىڭ  شابۋىل توبىن جانە بومبالاۋشى ۇشاقتاردىڭ ارنايى توبىن ارنايى دايىندىققا قويعان.

بولتون سوزىندە، اقش اسكەري كۇشتەرى يران رەجيمىنە قارسى شابۋىل جاساۋدى جوسپارلامايدى. الايدا، يراننىڭ ساقشىلار كورپۋسى نەمەسە قارۋلى كۇشتەرىنىڭ قانداي دا ءبىر شابۋىل ارەكەتتەرى جاۋاپسىز قالمايتىنىن ايتقان.

سوڭعى كەزدەرى، ترامپتىڭ يران مۇناي ەكسپورتىن شەكتەۋ تۋرالى جاڭا شەشىمى، ەكى ەل قايشىلىعىن ءتىپتى دە اسقىندىرىپ جىبەردى. يران تارابى دا ارت-ارتىنان ەسكەرتۋ جاساپ، شىعاناق ماڭىندا سوعىس بولسا ەشكىم امان قالمايتىنىن ايتتى.

“The Qazaq Times”