كرەمل رەسەي پرەزيدەنتى ۆلاديمير پۋتين مەن سولتۇستىك كورەيا باسشىسى كيم جوڭ ۋننىڭ كەزدەسۋىنە دايىندالۋدا.

ءساۋىر ايىنىڭ 17-ءى كۇنى رەسەي پرەزيدەنتىنىڭ كومەكشىسى يۋري ۋشاكوۆ ۆلاديمير پۋتين مەن كيم جوڭ ۋننىڭ كەزدەسۋىنە بايلانىستى جۋرناليستەر سۇراعىنا جاۋاپ بەردى.

«كەزدەسۋگە قارقىندى دايىندىق جۇمىستارى ءجۇرىپ جاتىر. ول كەز كەلگەن جەردە، كەز كەلگەن ۋاقىتتا ءوتۋى مۇمكىن. كەزدەسۋ ۋاقىتىن ءدال قازىر ايتا المايمىن» - دەپ مالىمدەدى ۋشاكوۆ.

بۇعان دەيىن باق بەتتەرىندە «ۆلاديمير پۋتين مەن كيم جوڭ ۋننىڭ كەزدەسۋى كەلەسى اپتادا ۆلاديۆوستوكتا ءوتۋى مۇمكىن» دەگەن اقپاراتتار تاراعان. رەسمي ماسكەۋ سولتۇستىك كورەيا باسشىسىنا كەزدەسۋگە شاقىرتۋدى 2018 جىلدىڭ مامىرىندا بەرگەن. ەكى ەل باسشىلارى سوڭعى رەت 2011 جىلى كەزدەسكەن. سول كەزدەگى رەسەي پرەزيدەنتى دميتري مەدۆەدەۆ سول ۋاقىتتاعى سولتۇستىك كورەيا باسشىسى كيم چەن يردى بۋرياتيا قابىلداعان.

"The Qazaq Times"