ەو مەن اقش ساۋدا بايلانىسىن نىعايتپاق

ەۋروپالىق وداق اقش-پەن ساۋدا بايلانىسىن نىعايتپاق.

فرانتسيا ەۋروپالىق وداق پەن قۇراما شتاتتارىنىڭ بايلانىسىنا قارسى بولعاندىقتان، اقش تاراپى ساۋدا كەلىسسوزدەرىن بىرنەشە ايعا شەگەرگەن. بۇگىن دە بۇل ەل قارسى داۋىس بەرىپ، بەلگيا قالىس قالعانىمەن، ەۋروكوميسسيا ەكى باعىت بويىنشا كەلىسسوز جۇرگىزبەك. بۇل وندىرىستىك تاۋارلار تاريفتەرىن ازايتۋ جانە قوس تاراپ وندىرۋشىلەرىنىڭ ستاندارتتارىن ۇيلەستىرۋ ماقساتىندا قولعا الىنادى.

قوس تاراپ بايلانىسىنا قاتىستى ەۋرووداقتىڭ ساۋدا بويىنشا كوميسسارى سەسيليا مالسترەم: "ەكونوميكالىق تالداۋ وندىرىستىك تاۋارلارعا باج سالىقتارىن ازايتۋ كەلىسىمى ەۋروپالىق وداقتان اقش-قا ەكسپورت مولشەرىنىڭ 8% ارتۋىنا، ال اقش-تان وداققا ەكسپورتتىڭ 9% وسۋىنە اكەلەتىنىن كورسەتتى. اۋىل شارۋاشىلىعى مۇنداي كەلىسوزدەردە تالقىعا سالىنبايدى", - دەپ مالىمدەدى.

وسىعان دەيىن دونالد ترامپ ەۋرووداقتىڭ Airbus كومپانياسىنا سۋبسيديا بولۋىنە جاۋاپ رەتىندە ەۋروپالىق تاۋارلارعا باج سالىقتارى ەنگىزىلەتىنى تۋرالى حابارلاعان ەدى. وسى مالىمدەمەسى ونىڭ تۆيتتەر پاراقشاسىندا جاريالانعان بولاتىن. اقش پەن ەۋرووداق باسشىلارى ۋاشينگتوندا سوڭعى رەت كەزدەسكەندە بۇل سالانى كەلىسسوزدەردەن تولىق شىعاراتىنىن ايتقان.

"The Qazaq Times"