رەسەي ساۋدا-ونەركاسىپ پالاتاسىنىڭ باسشىسى سەرگەي كاتىرين

قازاقستان مەن بەلارۋس قىرىم تاۋارلارىن ساتىپ الۋدان باس تارتۋدا.

رەسەي ساۋدا-ونەركاسىپ پالاتاسىنىڭ باسشىسى سەرگەي كاتىرين قازاقستان مەن بەلارۋسكە قاتىستى مالىمدەمە جاسادى.

«قىرىم كاسىپورىندارىنا ءوز ونىمدەرىن ەكسپورتقا شىعارۋ قيىنعا سوعۋدا. تۇراقسىز گەوساياسي جاعدايلارعا بايلانىستى كوپتەگەن ەلدەر «قىرىمدا جاسالعان» ماركاسىمەن شىققان ونىمدەردى ساتىپ الۋعا قۇلىقسىز. ونىڭ ىشىندە قازاقستان مەن بەلارۋس اتالمىش ونىمدەردى ساتىپ الۋدان باس تارتۋدا» - دەدى كاتىرين ريا نوۆوستي باسىلىمىنا بەرگەن سۇحباتىندا.

قازاقستان مەن بەلارۋس وسى ۋاقىتقا دەيىن رەسەيدىڭ قىرىمدى اننەكسيالاۋىن مويىنداعان جوق. بۇعان دەيىن كرەملگە جاقىن رەسەيدىڭ بىرقاتار فەدەرالدى تەلەارنالارى قازاقستان مەن بەلارۋستىڭ بۇل ارەكەتتەرىن قاتاڭ سىناپ، رەسمي اق وردا مەن مينسكىگە ءتۇرلى اقپاراتتىق شابۋىلدار جاساعان.

"The Qazaq Times"