ۆەنەسۋەلا ەنەرگەتيكا سالاسىنداعى جانە الەۋمەتتىك ماسەلەلەردى شەشۋ ماقساتىندا رەسەيمەن بىرلەسە جۇمىس ىستەمەك.

Reuters اگەنتتىگىنىڭ حابارلاۋىنشا، جاقىندا ۆەنەسۋەلاداعى ەنەرگەتيكا نىساندارىنا شابۋىل جاسالىپ، قالالاردا جارىق، سۋ قولدانىسى قيىنداي تۇسكەن. وسى رەتتە رەسەي تاراپى «قولدان كەلگەن كومەكتى اياايمىز» دەپ وتىر.

رەسەي ءسىم سالاسىنىڭ قىزمەتكەرى ولەگ سىرومولوتوۆ: «ۆەنەسۋەلادا 7 ناۋرىزدان باستاپ ەلەكتروەنەرگيا سەكتورىنا جاسالعان شابۋىلدار توقتاماي تۇر. ۆەنەسۋەلالىق ارىپتەستەرگە بار كومەگىمىزدى كورسەتەمىز»، – دەدى. ونىڭ ايتۋىنشا، ەلەكتر جەلىسى ستانساسىنا قاشىقتىقتان شابۋىل جاسالعان. ستانسا قۇرال-جابدىقتارىنىڭ اراسىندا ەۋروپادا قۇراستىرىلعان جابدىقتار دا بار.

وسىعان دەيىن ۆەنەسۋەلادا ورىن الىپ جاتقان داعدارىسقا توسقاۋىل بولۋ ءۇشىن رەسەي كاراكاسقا اسكەر جىبەرگەن بولاتىن. رەسمي ماسكەۋ «ديكتاتور» اتانعان ۆەنەسەۋلا پرەزيدەنتى نيكولاس مادۋروعا قولداۋ بلىدىرەتىندىگىن ايتتى. ال ناتو مەن ەو قۇرامىنداعى مەملەكەتتەر جانە اقش نيكولاس مادۋرونى مەملەكەتتىڭ زاڭدى باسشىسى دەپ سانامايدى. ەۋروپارلامەنت جانە وزگە دە مەملەكەتتەر ءوزىن پرەزيدەنت مىندەتىن اتقارۋشى دەپ جاريالاعان ۆەنەسۋەلا وپپوزيتسيالىق پارلامەنتىنىڭ كوشباسشىسى (ۇلتتىق اسسامبلەيا) حۋان گۋايدونى ەلدىڭ ليگيتيمدى باسشىسى رەتىندە تانىدى.

"The Qazaq Times"