قازاقستان «بايقوڭىردى» جالعا بەرۋ كەلىسىمىن بۇزبايدى. بۇل تۋرالى تسيفرلىق دامۋ، قورعانىس جانە اەروعارىش ونەركاسىبى مينيسترلىگى مالىمدەدى.
مينيسترلىك «قازاقستان تاراپى «بايقوڭىر» كەشەنىن جالعا بەرۋ بويىنشا رەسەي فەدەراتسياسىمەن جاسالعان حالىقارالىق كەلىسىمدەردى ساقتايتىنىن مالىمدەدى.
ۆەدومستۆو 2004 جىلدىڭ 9 قاڭتارىندا جۇزەگە اسقان «بايقوڭىر» كەشەنىن ءتيىمدى پايدالانۋ تۋرالى مەملەكەتارالىق كەلىسىمگە كەشەندى رەسەيگە جالعا بەرۋ مەرزىمى 2050 جىلعا دەيىن ۇزارتىلعانىن ەسكەرتتى. سونىمەن قاتار مينيسترلىك سەناتورلار كوتەرگەن بايقوڭىر قالاسىن دامىتۋ ماسەلەسى قازاقستان مەن رەسەي اراسىنداعى ۇكىمەتارالىق كوميسسيا وتىرىسىندا قارالاتىنىن اتاپ ءوتتى.
ايتا كەتەيىك، رەسەيدىڭ بايقوڭىردان ۇشىرىلاتىن «پروتون م» زىمىرانى كەڭەستەر وداعى كەزىن ەسەپتەمەگەندە قازاقستان اۋماعىنا 1999 جىلدان بەرى قۇلاپ كەلەدى. سوڭعى رەت «پروتون م» زىمىرانى ەل اۋماعىنا 2015 جىلى 16 مامىر كۇنى قۇلاعان بولاتىن. ال 2018 جىلى 11 قازاندا ساعات 14:40-تا بايقوڭىر عارىش ايلاعىنان بورتىندا «سويۋز مس-10» كەمەسى بار «سويۋز فگ» زىمىرانى ۇشىرىلعان بولاتىن. بىراق زىمىران اۋەگە كوتەرىلگەن بەتتە اپاتقا ۇشىراپ، ەكيپاج مۇشەلەرى جەرگە قونۋعا ءماجبۇر بولعان. رەسەي تاراپى قازاقستان حالقىنىڭ قارسىلىعىنا قاراماستان اپاتقا ءجيى ۇشىرايتىن «پروتون» زىمىراندارىن ۇشىرۋدى توقتاتقان جوق.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
