ۋكراينا بەيتاراپتىق مامىلەسىن قابىل السا، رەسەي سوعىس توقتاتۋ كەلىسىمىنە كەلەدى. بۇنداي مالىمدەمەنى رەسەي پرەزيدەنتىنىڭ ءباسپاسوز وكىلى دميتري پەسكوۆ مالىمدەدى.

پەسكوۆتىڭ مالىمدەمەسىندە ۋكراينامەن كەلىسسوزگە كەلۋ تۋرالى ءسوز قوزعاپ، رەسەيدىڭ رەسمي تالاپتارى بويىنشا ۇستانىمدارىن ءبىلدىردى. ول رەسەيدىڭ جوعارى بيلىگى ۋكراينانىڭ بەيتاراپتىق (نەيتاراليتەت) مارتەبەسى ارقىلى سوعىس توقتاتۋ كەلىسىمىن جاساسۋ ماسەلەسى تالقىلانىپ جاتقانىن ايتقان. بۇل تۋرالى تۇرىكتىڭ «انادولى» اقپارات اگەنتتىگى حابارلادى.

كرەمل وكىلى پىكىرىندە، ەگەر ۋكراينا شۆەتسيا مەن اۆستريا سەكىلدى ءوز ارمياسى بولعانىمەن، شەتەلدىك اسكەري بازالار مەن قاۋىپسىزدىك ۇيىمدارعا مۇشە بولمايتىن بەيتاراپ ەل بولعان جاعدايدا بۇل ماسكەۋ ءۇشىن كەلىسىمگە كەلۋگە جەتكىلىكتى شارت ەكەنىن بىلدىرگەن.

دەگەنمەن، كەيبىر باتىستىق ءىرى اقپارات قۇرالدارى  پۋتين ۋكراينا سوعىسىندا كوزدەگەن ماقساتىنا جەتە المادى جانە سوعىستىڭ ەندىگى باعىتى رەسەيگە ءتيىمسىز جاققا قاراي دامۋى مۇمكىن ەكەنىن ايتۋدا.

The Qazaq Times