ارمەنيا دەپۋتاتتارى رەسەي تەلەارنالارىنا شەكتەۋ قويۋدى تالاپ ەتۋدە.

ارمەنيا پارلامەنتىنىڭ عىلىم، ءبىلىم، مادەنيەت، دياسپورا، جاستار جانە سپورت كوميسسياسىنىڭ كەزەكتى وتىرىسىندا «مەنىڭ قادامىم» بلوگىنىڭ دەپۋتاتى نارينە تۋحيكيان ەل اۋماعىندا تارايتىن رەسەيلىك «مير»، «رەسەي» جانە «ورت» تەلەارنالارىنا شەكتەۋ قويۋ قاجەتتىگىن ايتىپ ۇسىنىس جاسادى. تۋحيكياننىڭ سوزىنشە، اتالمىش تەلەارنالار انتيارمياندىق باعىتتاعى دۇنيەلەردى ناسيحاتتاۋدا.

ءوز كەزەگىندە تۋحيكياننىڭ بۇل ۇسىنىسىنا ارمەنيا تەلەارنا جانە راديو ۇلتتىق كوميسسياسىنىڭ توراعاسى تيگران اكوپيان «بۇل تولىقتاي ساياسي ماسەلە» - دەپ جاۋاپ بەردى.

«حالىقارالىق (تەلەارنالارمەن-رەد) پروبلەمەلار بار. ءبىز بۇعان دايىنبىز. بۇندا زاڭدىق ماسەلەلەر دە جەتىپ ارتىلادى. بىراق بۇنىڭ بارلىعى تولىقتاي ساياسي ماسەلە. بىزگە ايتادى: «قاراڭدار ۋكراينا، گرۋزيا، مولدوۆا شەشىم قابىلدادى» - دەپ. دەسە دە، ءبىز بۇل شەشىمنىڭ باعاسىن ءتۇسىنۋىمىز قاجەت» - دەپ مالىمدەدى اكوپيان.

"The Qazaq Times"