جاپونيادا اسكەري ۇشاق قۇلادى

جاپونيادا F-35A جاڭا اسكەري جويعىش ۇشاعى اپاتقا ۇشىراپ، تىنىق مۇحيتىنا قۇلادى، – دەپ حابارلايدى NHK.

جاپونيانىڭ اۋە قورعانىس كۇشتەرىنىڭ وكىلدەرىنىڭ مالىمدەۋىنشە، F-35A ۇلگىسىنىڭ اپاتقا ۇشىراۋ دەرەگى العاش رەت تىركەلىپ وتىر جانە ۇشاقتار جاپونيانىڭ «Mitsubishi Heavy Industries» زاۋىتىندا جينالادى. اپاتتى-قۇتقارۋ وپەراتسياسى ەكى كۇنگە جالعاسقان. ەندى جاپونيا بيلىگى وسى مودەلدى ۇشاقتاردىڭ قولدانىسىن توقتاتپاق.

NHK مالىمەتىنشە، F-35ا امەريكاندىق ءوندىرىستىڭ ەڭ زاماناۋي جانە الەمدەگى اسكەري اۆياتسياداعى اۋقىمدى اسكەري ۇشاقتاردىڭ ءبىرى. ءبىر ۇشاقتىڭ قۇنى كەمىندە 90 ملن دوللار. ۇشاق باعدارلاماسى 30-40 جىلعا ەسەپتەلگەن جانە جويعىش وندىرۋشىلەر حالىقارالىق نارىقتا 3000-نان استام ۇشاقتى ساتۋدى جوسپارلاپ وتىر.

مامىردىڭ سوڭىندا يزرايل الەمدە العاش رەت F-35A ۇشاعىن كۇرەس الاڭىندا ياعني سۇرياداعى اۋە وپەراتسياسىندا قولدانعان بولاتىن. وتكەن جىلى قىركۇيەكتە وسى مودەلدى ۇشاق اقش-تىڭ وڭتۇستىك كارولينا شتاتىندا اپاتقا ۇشىراعان.

قازىرگى ۋاقىتتا ميساۆا اۋە بازاسىندا 13 ۇشاق بار. اپاتقا ۇشىراعان اسەري جويعىش ۇشاقتىڭ نەگىزگى قۇراستىرۋشىسى امەريكانىڭ «لوكحيد مارتين» اسكەري-وندىرىستىك كومپانياسى. العاشقى F-35ا 2006 جىلى شىعارىلدى.

"The Qazaq Times"