ەۋرووداقتىڭ سىرتقى ىستەر ۆەدومستۆوسى قازاقستاندا وتەتىن كەزەكتەن تىس سايلاۋعا ءوز پىكىرىن ءبىلدىردى.

وداقتىڭ ءباسپاسوز قىزمەتى جاريالاعان مالىمدەمەدە قازاقستان كونستيتۋتسياسىنا جانە ەلدىڭ حالىقارالىق تالاپتار ۇستانىمىنا ساي سەنىمگە يە بولاتىن جانە بۇكىل حالىقتى قامتيتىن پرەزيدەنتتىك سايلاۋ وتەتىنىنە ءۇمىت ارتامىز دەلىنگەن. ەۋرووداق پەن قازاقستان اراسىنداعى قاتىناستار ورتاق قۇندىلىقتار، ادامنىڭ نەگىزگى قۇقىقتارىن ساقتاۋ، دەموكراتيالىق پرينتسيپتەردى قادىرلەۋ، زاڭنىڭ قۇرمەتتەۋ مەن مەملەكەتتىك باسقارۋ ساپاسىنا نەگىزدەلگەنى جايلى ايتىلعان. بۇل پرينتسيپتەر «ەۋرووداق پەن قازاقستان اراسىنداعى كەڭەيتىلگەن سەرىكتەستىك جونىندەگى كەلىسىمدە» بەكىتىلگەن

وسىعان دەيىن ەو سىرتقى ساياسات قىزمەتىنىڭ رەسمي وكىلى مايا كوسيانچيچ وداق اتىنان نۇرسۇلتان نازارباەۆتىڭ قازاقستان پرەزيدەنتى وكىلەتتىگىن توقتاتۋ تۋرالى شەشىمىنە قاتىستى پىكىر ءبىلدىرىپ، الداعى پرەزيدەنتتىك سايلاۋ ءادىل ءوتۋى ءتيىس دەگەن.

ايتا كەتەيىك، قازاقستان ورتالىق ازيا ەلدەرىنىڭ ىشىندە ەو-مەن كەڭەيتىلگەن سەرىكتەستىك جانە ىنتىماقتاستىق تۋرالى كەلىسىمگە ەڭ ءبىرىنشى قول قويعان بولاتىن.

"The Qazaq Times"