دەنساۋلىعىنا نەمقۇرايلى قاراعان قازاقستان ازاماتتارى ايىپپۇل تولەۋى مۇمكىن

دەنساۋلىعىنا نەمقۇرايلى قاراعان قازاقستان ازاماتتارى ايىپپۇل تولەۋى مۇمكىن.

وسىعان بايلانىستى پارلامەنت دەپۋتاتتارى «حالىق دەنساۋلىعى مەن دەنساۋلىق ساقتاۋ جۇيەسى» كودەكسىنە ەنگىزىلۋى مۇمكىن وزگەرىستەردى تالقىلادى. كودەكستە ادام دەنساۋلىعىنىڭ تەك 10%-ى عانا مەديتسينالىق قىزمەتتەردىڭ دامۋىنا، 50%-ى ادامنىڭ ءومىر ءسۇرۋ سالتى مەن تاماقتانۋىنا، ال 20%-ى ەكولوگياعا بايلانىستى ەكەندىگى ايتىلعان.

پارلامەنت دەپۋتاتتارى تالقىلاعان انىقتامالىقتا: «كودەكس جوباسىندا ازاماتتاردىڭ ءوز دەنساۋلىعىنا مۇقيات قاراۋى تالاپ ەتىلەدى. سوندىقتان ازاماتتارعا دەنساۋلىعىنا نەمقۇرايلى قاراعانى ءۇشىن ايىپپۇل سالىنۋى مۇمكىن. سونىمەن قاتار، تەمىرتاۋ، وسكەمەن، بالقاش، جەزقازعان سىندى ەكولوگياسى ناشار قالالاردىڭ شەنەۋنىكتەرى ادام دەنساۋلىعى ءۇشىن جاۋاپقا تارتىلمايدى»، – دەيدى.

مالىمدەمە جارىق كورگەننەن كەيىن، جەرگىلىكتى تۇرعىنداردىڭ باسىم بولىگى دەپۋتاتتار تالقىلانعان تاقىرىپتىڭ نەگىزسىز ەكەندىگىن ايتتى. سەبەبى، مەملەكەت حالىق دەنساۋلىعىن رەتتەۋى ءۇشىن ايىپپۇل سالۋدىڭ ورىننا ەكولوگيا ماسەلەلەرىن جونگە كەلتىرۋى ءتيىس.

"The Qazaq Times"