فوتو: kapital.kz

ەنەرگەتيكا ءمينيسترى قايرات بوزىمباەۆ قازاقستان اۋماعىنا اتوم ەلەكتر ستانتسياسىن سالۋعا بايلانىستى مالىمدەمە جاسادى.

«ءبىزدىڭ قوعامدا بۇل تاقىرىپتىڭ قىزۋ تالقىلانىپ جاتقانىن تۇسىنەمىز. بۇنىڭ باسىم كوپشىلىگى سەمەي يادرولىق پوليگونىمەن بايلانىستى. بۇل قيىنشىلىقتىڭ بارلىعى حالىق ساناسىندا ساقتالعان. ەگەر شەشىم قابىلداناتىن بولسا، زاڭ بويىنشا حالىقتىڭ تالاپ-تىلەگى ەسكەرىلەتىن بولادى. قوعامدىق كەڭەستەر ۇيىمداستىرىلادى. ال ۆلاديمير ۆلاديميروۆيچ ءپۋتيننىڭ ايتقانى رەسەي تاراپىنىڭ ۇسىنىسى عانا. بۇل ماسەلە ۇكىمەت پەن مەملەكەت باسشىسىنىڭ باقىلاۋىندا بولادى» - دەپ مالىمدەدى بوزىمباەۆ.

ەستەرىڭىزگە سالايىق، پرەزيدەنت قاسىم-جومارت توقاەۆتىڭ ماسكەۋگە جاساعان ءىسساپارى كەزىندە رەسەي باسشىسى ۆلاديمير پۋتين قازاقستان اۋماعىنا اتوم ەلەكتر ستانتسياسىن سالۋدى ۇسىنعان. كەيىننەن بۇل قوعامدا قىزۋ تالقىلانىپ، كوپشىلىك جۇرت ءپۋتيننىڭ ۇسىنىسىنا قارسى شىققان.

"The Qazaq Times"