ەردوعان مەن پۋتين كەلىسىمگە كەلە المادى

ءساۋىر ايىنىڭ 8-ءى كۇنى ماسكەۋ قالاسىندا رەسەي پرەزيدەنتى ۆلاديمير پۋتين مەن تۇركيا باسشىسى رەجەپ تايىپ ەردوعان كەزدەستى. كەزدەسۋ بارىسىندا تاراپتار قارۋ-جاراق، گاز جانە بەيبىت اتوم جونىندە كەلىسسوزدەر جۇرگىزدى. كەلىسسوزدەردەن كەيىنگى بىرلەسكەن ءباسپاسوز ءماسليحاتىندا ەردوعان مەن ءپۋتيننىڭ گاز ماسەلەسىندە كەلىسىمگە كەلە الماعاندىعى بەلگىلى بولدى.

«ەردوعان مىرزا ايتقان گاز ماسەلەسىنە كەلەتىن بولساق، بۇل جەردە گاز باعاسى «گازپورمنىڭ» شەشىمى بويىنشا ەمەس، نارىق سۇرانىسى بويىنشا بەلگىلەنەدى. بۇل جەردە ءبىزدىڭ تۇركيالىق دوستارىمىز ءبىر باعانى، «گازپروم» ەكىنشى باعانى سۇرايدى. بىراق بۇنىڭ بارلىعى تۇپتەپ كەلگەندە ءوز شەشىمىن تابادى. ءبىز بۇنىڭ شەشۋ جولدارىن ىزدەستىرەتىن بولامىز. سەبەبى تۇركيا نارىعى ءبىز ءۇشىن ماڭىزدى» - دەپ مالىمدەدى پۋتين.

"The Qazaq Times"