پوروشەنكو زەلەنسكيگە ۇسىنىس ءبىلدىردى

ۋكراينا پرەزيدەنتتىگىنەن ۇمىتكەر پەتر پوروشەنكو قارسىلاسى ۇمىتكەر ۆلاديمير زەلەنسكيدى پىكىرسايىستى 14 ساۋىردە وتكىزۋدى ۇسىندى. 

وسىعان دەيىن زەلەنسكي پىكىرسايىسقا بارلىق جۋرناليستەر قاتىستىرىلسىن، ونى تىكەلەي ەفيردە كورسەتۋگە بارلىق تەلەارنالارعا رۇقسات بەرىلسىن دەگەن تالاپتار قويعان. زەلەنسكي ءوزىن پوروشەنكونىڭ «كرەملدىڭ نەمەسە كولومويسكيدىڭ قۋىرشاعى»، «ۆاتنيك» جانە «مالوروسس» ەمەس، «ۋكراينا پرەزيدەنتتىگىنە كانديدات» دەپ اتاۋىن تالاپ ەتكەن.

ەۋروپا قاۋىپسىزدىك جانە ىنتىماقتاستىق ۇيىمىنىڭ دەموكراتيالىق ينستيتۋتتار مەن ادام قۇقىقارى بيۋروسى ۋكرايناداعى پرەزيدەنت سايلاۋىنىڭ ءادىل جانە ەركىن وتكەنىن ايتتى. ۋكراينا ورتالىق سايلاۋ كوميسسياسى 31 ناۋرىزدا وتكەن پرەزيدەنت سايلاۋىندا بەرىلگەن داۋىستاردىڭ 97%-دان استامىن قاراپ شىعىپ، قورىتىندىسىن جاريالاعان بولاتىن. ناتيجەسىندە، شوۋمەن ۆلاديمير زەلەنسكيگە سايلاۋعا قاتىسقانداردىڭ 30,22% ، قازىرگى پرەزيدەنت پەتر پوروشەنكوعا 15,93%، وپپوزيتسيالىق «باتكيۆششينى» پارتياسىنىڭ ليدەرى يۋليا تيموشەنكوعا 13,40% داۋىس بەرگەن.

ايتا كەتەر جايت، سايلاۋشىلاردىڭ اراسىندا رەسەي ازاماتتارى جوق. جوعارعى رادا بۇعان دەيىن رەسەيدى «اگرەسسور مەملەكەت» رەتىندە تانىپ، سايلاۋدى باقىلاۋ مۇمكىندىگىنەن ايىرعان.

"The Qazaq Times"