Boeing 737 MAX ۇشاعىنىڭ قۇلاۋ سەبەپتەرى انىقتالدى

Boeing 737 MAX ۇشاعىنىڭ قۇلاۋ سەبەپتەرى انىقتالدى, – دەپ حابارلايدى Reuters اگەنتتىگى.

مالىمەتتەر بويىنشا، ادديس-ابەبا ماڭىندا قۇلاعان Boeing 737 MAX جولاۋشىلار اۋە كەمەسىنىڭ ۇشقىشتارى ەرەجەگە ساي ءىس-قيمىل جاساعان. ساراپتامانىڭ العاشقى رەسمي قورىتىندىسىنا سايكەس، اپات الدىندا اۋە كەمەسىنىڭ تۇمسىعى تومەن تارتا بەرگەن. سول سەبەپتى ەفيوپيا بيلىگى Boeing شىعاراتىن كومپانيا باسشىلىعىن جاڭا اۋە لاينەرىن تەكسەرۋگە شاقىرعان. اتالعان جاعدايدان كەيىن «Boeing 737 MAX» ۇشاعىنا تىيىم سالعان ەلدەردىڭ قاتارى ارتتى. وسىعان دەيىن ۇلىبريتانيا مەن فرانتسيا ۇشاقتان باس تارتسا، مالايزيا، اۆستراليا، يندونەزيا، قىتاي مەن سينگاپۋر بيلىگى اۋە كەمەسىن بۇدان بىلاي ساپارعا شىعارمايتىن بولدى. كەي مەملەكەتتەر اتالمىش ءتيپتى ۇشاقتاردى قايتا باقىلاۋدان وتكىزۋ تۋرالى شەشىم قابىلداعان.

ەستەرىڭىزگە سالايىق، 10 ناۋرىزدا دەبرە-زەيت قالاسى ماڭىندا «Ethiopian Airlines» كومپانياسىنا تيەسىلى «Boeing 737 Max» ۇشاعى اپاتقا ۇشىراپ، سالدارىنان 157 ادام كوز جۇمعان. 2018 جىلى قازان ايىندا يندونەزيادا تاپ وسى مودەلدى لاينەر قۇلاپ، 189 جولاۋشى قازا تاپقان ەدى.""

"The Qazaq Times"