تۇركيا سىرتقى ىستەر مينيسترلىگىنىڭ وكىلى جازباشا مالىمدەمە جاساپ، اقش تارابىن ەكى ەلدىڭ سىرتقى ساياسي ۆەدومستۆو وكىلدەرى اراسىنداعى كەزدەسۋ تۋرالى جالعان مالىمەت تاراتتى دەپ ايىپتادى.

تۇركيا ءسىم وكىلى حامي اكسوي جاساعان جازباشا مالىمدەمەدە، تۇركيا سىرتقى ىستەر ءمينيسترى ءماۆلۇت شاۆۋشوعلۋ مەن اقش مەملەكەتتىك حاتشىسى اراسىندا بولعان كەزدەسۋ تۋراسىندا اقش تارابى جالعان مالىمدەمە جاساعانىن ايتتى. ونىڭ ايتۋىنشا اقش مەملەكەتتىك دەپارتامەنتىنىڭ مالىمەتى كەزدەسۋ وتۋدەن بۇرىن جازىلعان.

ناتو ۇيىمىنىڭ 70 جاسىنا وراي باس قوسۋ كەزىندە اقش پەن تۇركيانىڭ ءسىم وكىلدەرى كەزدەسىپ، ەكى ەل اراسىنداعى بىرقاتار تاقىرىپتارعا توقتالعان بولاتىن. الايدا، تۇرىك ەلىن كەزدەسۋدەگى سويلەسۋلەر ەمەس، ودان كەيىنگى رەسمي مالىمدەمە اشۋلاندىرعان.

اكسوي سوزىندە: «بۇنداي مالىمدەمە وسىدان بۇرىنعى كەزدەسۋدە دە بولعان ەدى. رەسمي مالىمدەمە ارنايى دايىندالۋى كەرەك. بۇل دا بولسا بىزگە وداقتاس رەتىندە جاسالعان مامىلە رەتىندە قابىلدانادى»، – دەگەن.

“The Qazaq Times”