فوتو: Google

وسى اپتادا باكۋدە وتەتىن سامميتتە ءار مەملەكەت قاتىسۋشىلارى قولداۋ بىلدىرسە، وزبەكستان تۇركى كەڭەسىنىڭ تولىققاندى مۇشەسى اتانادى.

تۇركيانىڭ سىرتقى ىستەر ءمينيسترى مەۆليۋت چاۆۋشوعلى: «وزبەكستان تۇركى كەڭەسىنىڭ قۇرامىنا كىرۋگە شەشىم قابىلدادى. كەڭەس قۇرامىنا كىرۋ تۋرالى رەسمي ۇسىنىس حات تۇركى كەڭەسى حاتشىلىعىنا كەلىپ ءتۇستى. بۇعان قوسى ءبىز رەسمي اشحابادتان كەڭەسكە باقىلاۋشى ەل بولىپ قاتىسۋ جونىندە ۇسىنىس الدىق. ءبىز تۇركىمەنستان تاراپى بۇعان وڭ باعا بەرىپ وتىر. جاقىن ۋاقىتتا تۇركى كەڭەسى ايماقتاعى ماڭىزدى ويىنشىعا اينالادى»، – دەپ اتاپ ءوتتى.

تۇركى كەڭەسى تۇركى تىلدەس مەملەكەتتەردىڭ ءوزارا قارىم-قاتىناسىن دامىتۋعا ارنالعان حالىقارالىق ۇيىم. قازىرگى ۋاقىتتا ونىڭ قۇرامىندا قازاقستان، قىرعىزستان، ءازىربايجان جانە تۇركيا ەلدەرى بار. ۇيىم قۇرىلعان ساتتەن باستاپ مەملەكەت باسشىلارىنىڭ قاتىسۋىمەن التى سامميت وتكىزىلگەن.

"The Qazaq Times"