ەو گرۋزياعا ۆيزاسىز رەجيم ورناتۋعا كەلىسىم بەردى

ەۋرووداق كەڭەسى گرۋزيا ازاماتتارى ەو-عا 90 كۇنگە ۆيزاسىز شىعۋعا كەلىسىم بەرەدى. بۇل تۋرالى BBC.com اگەنتىگى حابارلايدى.

ەندىگى قۇجاتقا ەو كەڭەسى مەن ەۋروپارلامەنت قول قويۋ جانە اتالمىش ءماتىن ەو جۋرنالىندا جارىق كورۋ كەرەك. سودان 20 كۇننەن كەيىن عانا ۆيزاسىز رەجيم ءوز كۇشىنە ەنەدى.

بۇل دەگەنىڭىز، گرۋزيا ازاماتتارىنىڭ ىسساپارمەن، وتباسىمەن  نەمەسە تۋريست رەتىندە ەو ەلدەرىنە ەشبىر ۆيزاسىز شىعا الادى. ول ءۇشىن تەك قانا بيومەتريالىق قۇجاتتارى بولسا بولعانى.

ۆيزاسىز رەجيم  ۇلىبريتانيا مەن يرلانديا ەلدەرىنە تارالمايدى. سەبەبى، اتالمىش ەلدەردە بۇل ماسەلە ۇلتتىق زاڭنامامەن رەتتەلەدى.

ەو مەن گرۋزيا اراسىنداعى ۆيزاسىز رەجيمگە قاتىستى كەلىسسوزدەر 2012 جىلدا باستالعان كورىنەدى. ال ەو ۆيزاسىز رەجيمگە 2 اقپان كۇنى كەلىسىم بەرگەن. وسىعان دەيىنگى باستى توسقاۋىل بولعان ماسەلە: جەلتوقسان ايىنداعى  ەو ەلدەرىنىڭ كەلىسىپ قويعان  ۆيزاسىز رەجيمدى توقتاتۋ مەحانيزمىبولدى. قازىردىڭ وزىندە وسى ۆيزاسىز رەجيمدى ەو ەلدەرى دە، ەۋروكوميسسيا دا توقتاتۋدى تالاپ ەتە الادى.

«The Qazaq Times»