ۆەنەسۋەلانىڭ ۇلتتىق كەڭەسى وپپوزيتسيا باسشىسى جانە ءوزىن ەلىڭ ۋاقىتشا پرەزيدەنتى رەتىندە جاريالاعان حۋان گۋايدونى دەپۋتات رەتىندەگى قۇقىقتىق يممۋنيتەتىنەن ايىردى.
Noticias.com حابارلاۋىنشا، ۆەنەسۋەلا اسسامبلەياسى ساياساتكەردى قۇقىقتىق يممۋنيتەتىنەن ايىرىپ قانا قويماي، بەدەلدى مىندەتتەردى يەمدەنگەنى ءۇشىن قىلمىستىق جاۋاپكەرشىلىككە تارتۋى مۇمكىن. بۇعان دەيىن ۆەنەسۋەلا ۇكىمەتى گۋايدونى ون بەس جىلداي بيلىكتەن الاستاتۋ تۋرالى شەشىم شىعارعان بولاتىن.
وسىعان بايلانىسيى حۋان گۋايدو جەرگىلىكتى باق وكىلدەرىنە سۇحبات بەرىپ، «ارنايى قىزمەتكەرلەر قاستاندىق جاساماق» دەپ مالىمدەگەن. ونىڭ ايتۋىنشا، ەلدەگى بىردە-ءبىر قۇرىلىمدا قۇقىقتىق يممۋنيتەتتەن ايىرۋ قۇقىعى جوق.
ۆەنەسۋەلاداعى ساياسي داعدارىس قاڭتاردا ۋشىعا تۇسكەن. سول ۋاقىتتا ۇلتتىق اسسامبلەيا باقىلاۋىنداعى وپپوزيتسيانى باسقارعان گۋايدو ءوزىن ۋاقىتشا ۇكىمەتتىڭ باسشىسى دەپ جاريالاعان بولاتىن. گۋايدونى اقش-پەن قوسا 50-دەن استام ەل قولدادى. ال قىتاي مەن رەسەي تاراپى قازىرگى باسشى نيكولاس مادۋرو ۇكىمەتىنە سەنىم ءبىلدىرىپ، بيلىككە وزگە مەملەكەتتەردىڭ ارالاسۋىن «حالىقارالىق قۇقىقبۇزۋشىلىق» دەپ اتادى.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى