اتوم ەنەرگەتيكاسى جونىندەگى حالىقارالىق اگەنتتىك سولتۇستىك كورەياعا تەكسەرۋشىلەرىن جىبەرمەك. بۇۇ-نىڭ قاۋىپسىزدىك كەڭەسىندە ۇيىم باسشىسى يۋكيا امانو وسىنداي مالىمدەمە جاسادى.
يۋكيا امانونىڭ ايتۋىنشا، اگەنتتىك مۇنداي ارەكەتتى جۇزەگە اسىرۋ ءۇشىن پحەنيامەن كەلىسسوز جۇرگىزۋشى تاراپتار ساياسي شەشىمگە كەلۋى ءتيىس.
بيىل اقپاندا ۆەتنامدا اقش پەن سولتۇستىك كورەيا باسشىلارىنىڭ ءسامميتى وتكەن بولاتىن. بىراق باسقوسۋ ناتيجە بەرگەن جوق. كەيىننەن پحەنيان تاراپى سوحەدەگى زىمىراندىق سىناق الاڭىن جوندەپ جاتقانى تۋرالى حابارلاعان. ال ماگاتە بۇل ەلدەگى يادرولىق نىسانداردى سوڭعى رەت 2009 جىلى تەكسەرگەن.
2018 جىلدىڭ 27 ساۋىرىندە وڭتۇستىك كورەيا پرەزيدەنتى مۋن چجە ين مەن كحدر باسشىسى كيم چەن ىن اراسىندا تاريحي سامميت وتكەن ەدى. كەلىسسوزدەر ناتيجەسىندە تاراپتار بەيبىت كەلىسىمشارت جاساسۋ نيەتتەرى بار ەكەنىن مالىمدەپ، كورەي جارتىارالىن قارۋسىزداندىرۋ جوسپارلارى تۋرالى كەلىسكەن. سونىمەن قاتار، حالىقارالىق اتوم ەنەرگياسى اگەنتتىگىنىڭ (ماگاتە) مالىمەتى بويىنشا، سولتۇستىك كورەيا وسى قارۋسىزداندىرۋعا قاتىستى كەلىسمىشارتتى ورىندامايتىنىن حابارلاعان.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى