Financial Times ۋكرايناداعى پرەزيدەنتتىك سايلاۋ تۋرالى شولۋ جاساپ، حالىق ءۇشىن كينوداعى ءادىل مۇعالىم رەتىندە تانىلعان 41 جاسار اكتەر ۆلاديمير زەلەنسكي ءوزىنىڭ ەڭ ماڭىزدى ءرولىن سايلاۋدا سومدايدى دەيدى.
داۋىس بەرۋدىڭ ءبىرىنشى تۋرىندا زەلەنسكيدىڭ العا شىققانىنا قاراماستان، ەكىنشى تۋردا وزگە دە باسەكەلەستەر اراسىنداعى جارىس قىزا تۇسپەك. دۇيسەنبىدە قازىرگى پرەزيدەنت پەتر پوروشەنكو: «زەلەنسكيگە ماسكەۋ قولداۋ كورسەتەدى. سونداي-اق ونى وليگارح يگور كولومويسكي اشىق قولدايدى»، – دەپ مالىمدەگەن.
كەيبىر ساراپشىلاردىڭ پىكىرىنشە، پوروشەنكو ەكىنشى تۋردا جەڭىسكە جەتەدى. سەبەبى، ول ازاماتتاردىڭ ءومىر ءسۇرۋ دەڭگەيىن ارتتىرۋ جانە سىبايلاس جەمقورلىققا قارسى كۇرەس جولىندا ايتارلىقتاي جاقسى ناتيجەگە قول جەتكىزگەن. ۋكراينانى رەسەيدەن الشاقتاتىپ، باتىسقا بەت بۇرۋ جولىندا بىرنەشە زاڭدار قابىلدادى. ولاردىڭ قاتارىندا ەو مەن ناتو-عا مۇشە بولۋ، رەسەيمەن اراداعى «دوستىق» كەلىسىمىن بۇزۋ جانە گەرمانيامەن ەكونوميكالىق بايلانىس ورناتۋ بار.
باتىس ەلدەرى ءۇشىن پوروشەنكو ۋكراينا پاتريوتى جانە حالىقتى رەسەي اگرەسسياسىنان قورعاۋشى رەتىندە بەلگىلى. وسىنداي ارتىقشىلىقتاردى ەسكەرگەن پوروشەنكونىڭ كومانداسى اكتەر زەلەنسكيدىڭ ساياساتتا تاجىريبەسى بولماعاندىقتان، پرەزيدەنت بولۋعا دايىن ەمەس دەپ ەسەپتەيدى.
«Greenberg Quinlan Rosner» ساۋالناما جۇرگىزۋ ورتالىعى ەكىنشى تۋرعا زەلەنسكي مەن پوروشەنكو وتكەن جاعدايدا، ارقايسىسى 40% -دان داۋىس جينايدى دەگەن بولجام جاساعان. مالىمەتتەر بويىنشا، سايلاۋشىلاردىڭ جارتىسى پرەزيدەنتتىك كرەسلودا جاڭا ادامنىڭ وتىرعانىن، ال قالعان جارتىسى تاجىريبەسى بار ساياساتكەردىڭ پرەزيدەنت بولعانىن قۇپتايدى.
ەۋروپا قاۋىپسىزدىك جانە ىنتىماقتاستىق ۇيىمىنىڭ دەموكراتيالىق ينستيتۋتتار مەن ادام قۇقىقارى بيۋروسى ۋكرايناداعى پرەزيدەنت سايلاۋىنىڭ ءادىل جانە ەركىن وتكەنىن ايتتى. ۋكراينا ورتالىق سايلاۋ كوميسسياسى 31 ناۋرىزدا وتكەن پرەزيدەنت سايلاۋىندا بەرىلگەن داۋىستاردىڭ 97%-دان استامىن قاراپ شىعىپ، قورىتىندىسىن جاريالاعان بولاتىن. ناتيجەسىندە، شوۋمەن ۆلاديمير زەلەنسكيگە سايلاۋعا قاتىسقانداردىڭ 30,22% ، قازىرگى پرەزيدەنت پەتر پوروشەنكوعا 15,93%، وپپوزيتسيالىق "باتكيۆششينى" پارتياسىنىڭ ليدەرى يۋليا تيموشەنكوعا 13,40% داۋىس بەرگەن.
ايتا كەتەرلىگى، سايلاۋشىلاردىڭ اراسىندا رەسەي ازاماتتارى جوق. جوعارعى رادا بۇعان دەيىن رەسەيدى «اگرەسسور مەملەكەت» رەتىندە تانىپ، سايلاۋدى باقىلاۋ مۇمكىندىگىنەن ايىرعان.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
رىسبەك سارسەنبايۇلى: اەس – جارىلىپ كەتۋگە شاق تۇرعان بومبانى قۇشاقتاپ وتىرعانمەن بىردەي
قاراعايعا قارسى بۇتاق. دۋماننىڭ سوت تەرگەۋى اياقتالدى. 29 شىلدە ءجارىسسوز.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
جاۋاعاشتى تۇرمەسى ايگەرىمدى تاعايىندالعان ەمگە جىبەرمەي جاتىر