Foto: http://mtdata.ru

Financial Times Ukrainadağı prezidenttik saylau turalı şolu jasap, halıq üşin kinodağı ädil mwğalim retinde tanılğan 41 jasar akter Vladimir Zelenskiy öziniñ eñ mañızdı rölin saylauda somdaydı deydi.

Dauıs berudiñ birinşi turında Zelenskiydiñ alğa şıqqanına qaramastan, ekinşi turda özge de bäsekelester arasındağı jarıs qıza tüspek. Düysenbide qazirgi prezident Petr Poroşenko: «Zelenskiyge Mäskeu qoldau körsetedi. Sonday-aq onı oligarh Igor' Kolomoyskiy aşıq qoldaydı», – dep mälimdegen.

Keybir sarapşılardıñ pikirinşe, Poroşenko ekinşi turda jeñiske jetedi. Sebebi, ol azamattardıñ ömir süru deñgeyin arttıru jäne sıbaylas jemqorlıqqa qarsı küres jolında aytarlıqtay jaqsı nätijege qol jetkizgen. Ukrainanı Reseyden alşaqtatıp, batısqa bet bwru jolında birneşe zañdar qabıldadı. Olardıñ qatarında EO men NATO-ğa müşe bolu, Reseymen aradağı «dostıq» kelisimin bwzu jäne Germaniyamen ekonomikalıq baylanıs ornatu bar.

Batıs elderi üşin Poroşenko Ukraina patriotı jäne halıqtı Resey agressiyasınan qorğauşı retinde belgili. Osınday artıqşılıqtardı eskergen Poroşenkonıñ komandası akter Zelenskiydiñ sayasatta täjiribesi bolmağandıqtan, prezident boluğa dayın emes dep esepteydi.

«Greenberg Quinlan Rosner» saualnama jürgizu ortalığı ekinşi turğa Zelenskiy men Poroşenko ötken jağdayda, ärqaysısı 40% -dan dauıs jinaydı degen boljam jasağan. Mälimetter boyınşa, saylauşılardıñ jartısı prezidenttik kresloda jaña adamnıñ otırğanın, al qalğan jartısı täjiribesi bar sayasatkerdiñ prezident bolğanın qwptaydı.

Europa qauipsizdik jäne ıntımaqtastıq wyımınıñ demokratiyalıq instituttar men adam qwqıqarı byurosı Ukrainadağı prezident saylauınıñ ädil jäne erkin ötkenin ayttı. Ukraina ortalıq saylau komissiyası 31 naurızda ötken prezident saylauında berilgen dauıstardıñ 97%-dan astamın qarap şığıp, qorıtındısın jariyalağan bolatın. Nätijesinde, Şoumen Vladimir Zelenskiyge saylauğa qatısqandardıñ 30,22% , qazirgi prezident Petr Poroşenkoğa 15,93%, oppoziciyalıq "Bat'kivşinı" partiyasınıñ lideri YUliya Timoşenkoğa 13,40% dauıs bergen.

Ayta keterligi, saylauşılardıñ arasında Resey azamattarı joq.  Joğarğı rada bwğan deyin Reseydi «agressor memleket» retinde tanıp, saylaudı baqılau mümkindiginen ayırğan.

"The Qazaq Times"