فوتو: REUTERS

ۇلىبريتانيا پارلامەنتى تەرەزا مەيدىڭ بريۋسسەلمەن كەلىسىلگەن Brexit جوسپارىن ءۇشىنشى رەت كەرى قايتاردى.

نandelsblat باسىلىمىنىڭ حابارلاۋىنشا، ەۋرووداق قۇرامىنان شىعۋ تۋرالى كەلىسىمگە 286 دەپۋتات قولداۋ بىلدىرگەن. الايدا، 344 دەپۋتات قارسى داۋىس بەرگەن. ەندى بىرىككەن كورولدىكتىڭ 12 ساۋىردە ەۋروپالىق وداقتان جوسپارسىز شىعۋى ەكىتالاي. بريتانيا ساياساتىنداعى كەلەڭسىز جايتتاردى ەسكەرە وتىرىپ، ەو كەڭەسشىسى دونالد تۋسك 10 ساۋىردە كەزەكسىز سامميت وتكىزەتىن بولدى.

2016 جىلى ۇلىبريتانيا ەۋروپالىق وداقتان شىعۋ ماسەلەسىن حالىقتىق رەفەرەندۋمعا سالعان بولاتىن. رەفەرەندۋم قورىتىندىسى بويىنشا، ۇلىبريتانيا وداقتان بيىل 29 ناۋرىزدا شىعۋى ءتيىس بولاتىن. دەگەنمەن، ۇلىبريتانيا پرەمەرى تەرەزا مەي ەۋرووداقپەن ۇزاق ۋاقىت بويى كەلىسسوزدەر جۇرگىزىپ، جوبانى دايىنداعانىمەن جوسپار پارلامەنت تاراپىنان ماقۇلدانعان جوق. بريتان پارلامەنتى ءۇش جىل كولەمىندە Brexit تۋراسىندا ورتاق مامىلەگە كەلە الماعاندىقتان، وداقتان شىعۋ پروتسەسى ناۋرىزدا ىسكە اسقان جوق. تەرەزا مەي جوسپار ءۇشىنشى رەت قابىلدانباسا، وتستاۆكاعا ءوز ەركىمەن كەتەتىندىگىن ايتقان. ال ۇلىبريتانيا بيلىگىنىڭ الداعى جوسپار ازىرگە بەلگىسىز.

"The Qazaq Times"