ءسۇريا بۇۇ-عا ۇسىنىس جاسادى

ءسۇريا بۇۇ قاۋىپسىزدىك كەڭەسىنىڭ كەزەكتەن تىس ماجىلىسىنە ءوتىنىش جاسادى، – دەپ حابارلايدى Times.

ءسۇريا تاراپى ەلدەگى جاعداي مەن گولان جوتاسىنىڭ رەسمي قايتارىلۋىنا قاتىستى ءوتىنىش جىبەرگەن. قازىرگى ۋاقىتتا ءوتىنىش بۇۇ-دا قارالىپ جاتىر. بۇعان دەيىن اقش پرەزيدەنتى دونالد ترامپ ءيزرايلدىڭ گولان بيىكتەرىنە قاتىستى ەگەمەندىگىن مويىنداعان دەكلاراتسياسىنا قول قويعان بولاتىن. ەۋروپالىق وداق ءيزرايلدىڭ بولىگى رەتىندە گولان جوتاسىن مويىندامايدى جانە رەسەي سىرتقى ىستەر مينيسترلىگىنىڭ مالىمدەۋىنشە، قاۋىپسىزدىك كەڭەسىن اينالىپ ءوتىپ، وسى اۋماقتىڭ مارتەبەسىن وزگەرتۋ بۇۇ شەشىمدەرىنىڭ بۇزىلۋى بولىپ تابىلادى.

ايتا كەتەيىك، يزرايل 1967 جىلعى 6 كۇندىك سوعىس كەزىندە گولان جوتاسىن باسىپ الىپ 1981 جىلى ءبىر جاقتى تارتىپتە ولاردى تىركەدى. گولان بيىكتىگى يزرايل – ءسۇريا قاقتىعىسىنىڭ باستى سەبەبى.

"The Qazaq Times"