ەكس-پرەمەر-مينيستر اكەجان قاجىگەلدين نازارباەۆتىڭ وتستاۆكاعا كەتۋىنە بايلانىستى مالىمدەمە جاسادى.

ناۋرىز ايىنىڭ 19-ى كۇنى «جاڭا قازاقستان» فورۋمىنىڭ «You Tube» پاراقشاسىندا اكەجان قاجىگەلديننىڭ ۆيدەو ۇندەۋى جاريالاندى. وندا ول پرەزيدەنت نۇرسۇلتان نازارباەۆتىڭ وتستاۆكاعا كەتۋىنە بايلانىستى مالىمدەمە جاساعان.

«كۇتكەنىمىزدەي نۇرسۇلتان نازارباەۆ وتستاۆكاعا كەتىپ، ءوز ورنىن بوساتتى. كۇتىلگەن شەشىم، كۇتىلگەن وقيعا. ءبىر ادام مەن ءبىر وتباسىنىڭ بيلىك جۇيەسىن تاريحتا قالدىرۋىمىز قاجەت. وسىمەن نۇكتە قويۋ كەرەك. بيلىكتى حالىققا قايتارىپ بەرۋ قاجەت. جاڭا رەسپۋبليكا قۇرۋ كەرەك. ول زاڭ بويىنشا قازاقستان حالقىنا باعىناتىن پارلامەنتتىك رەسپۋبليكا بولۋى ءتيىس. ءبىز تەك وسىلاي عانا بىرلىگىمىزدى، ەلدىگىمىزدى، قاۋىپسىزدىگىمىزدى ساقتاپ قالا الامىز» - دەدى قاجىگەلدين.

"The Qazaq Times"