فوتو: Truth NGO

اقش پەن «تاليبان» قوزعالىسى كەلىسىمگە كەلدى.

اقش-تىڭ اۋعانستان بويىنشا ارنايى وكىلى زالماي حاليلزاد ءوزىنىڭ «ءTwىtter» پاراقشاسىنا  «تاليبان» قوزعالىسىمەن بولعان كەلىسسوزدەرگە قاتىستى مالىمدەمە جاسادى.

«بەيبىت كەلىسىمگە كەلۋ ءۇشىن ءتورت ماسەلەنى شەشۋ قاجەت بولدى. ولار: اۋعانستاننىڭ ىشىندەگى ءوزارا ديالوگ، اتىستى توقتاتۋ، «تاليباننىڭ» وزگە تەررورلىق ۇيىمدارمەن كەلىسسوزدەر جۇرگىزۋى جانە ەلدەن اسكەر شىعارۋ. قاڭتار ايىندا بولعان كەلىسسوزدەردە ءبىز وسى ءتورت باعىتتى تالقىلاۋعا ۋاعدالاسقانبىز. ءبىز قازىر العاشقى ەكەۋى بويىنشا ماملەگە كەلدىك. ايماقتان اسكەر شىعارۋ مەن تەرروريزممەن كۇرەس جونىندە «تاليبان» مەن اقش قوسىمشا ۋاشينگتوندا كەلىسسوزدەر جۇرگىزەتىن بولادى» - دەپ جازدى حاليلزاد ءوز پاراقشاسىندا.

ءوز كەزەگىندە «تاليبان» قوزعالىسى اقش-پەن اراداعى كەلىسسوزدەرگە قاتىستى: «ءبىز قاڭتار ايىنداعى ۋاعدالاستىققا سايكەس، ەكى ماسەلەنى تەرەڭ تالقىلادىق» - دەگەن قىسقا عانا مالىمدەمە تاراتقان. بىراق ونىڭ قانداي ماسەلەلەر ەكەندىگى جونىندە ايتىلماعان.

اقش پەن «تاليبان» قوزعالىسى بەيبىت كەلىسىم جۇرگىزىپ جاتقان تۇستا، اۋعانستان ۇلتتىق ارمياسىنىڭ جاڭا شتاب باسشىسى بيسميللا ۆازيري وفيتسەرلەرگە «تاليبان» مەن «يسلام مەملەكەتى» سودىرلارىن تۇتقىنعا الماي، ۇستالعان جەرىندە اتىپ تاستاۋعا بۇيىرىق بەردى. ونىڭ سوزىنشە، اۋعان حالقىندا تۇتقىنداردى اسىرايتىن قارجى جوق.

"The Qazaq Times"